Juan 7:35 - Dios Rimashca Shimicunami

³⁵ Chaimi judiocunaca paicunapura cashna ninacurca: –Ñucanchij mana japi tucuchunca ¿Caica maimanshi rigrin? ¿Griegocunapaj llajtapi causacuj israelcunapajman rishpa griegocunata yachachinamanchu ringa, imashi?

Mushuj Testamento Diospaj Shimi

³⁵ Shina nijpimi judiocunaca, paicunapura cashna ninacurca: «Cai runaca ñucanchij ama japichunca, ¿maimanshi rigrin? ¿Griegocunapaj llajtacunapi causacuj israelcunapajman rishpachu, griegocunaman yachachigricun imashi?

Juan 7:35 Iomraidhean Croise

SALMOS 147:2

Mandaj Diosca Jerusalenta shayachijmi. Shujtaj llajtaman prezu apashca israelcunataca paimi tandachimunga.

ISAÍAS 11:10

Chai punllapica, yaya Isaipaj sapipi retoñashcaca tucui llajtacunapaj bandera cachun churashcami canga. Paitaca tucui gentecunami mashcangacuna. Pai causacunca sumaj achij nicujmi canga.

ISAÍAS 11:12

Tucui llajtacuna ricunapajmi banderata shayachinga. Prezu apashca israelcunatami tandachinga. Caita chaita urata janajta rishca judiocunatami cai pacha chuscundij ladomanta tandachinga.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

ISAÍAS 56:8

Caita, chaita rishca israelcunata tandachij Mandaj Jatun Diosca: “Shujtajcunatapishmi tandachisha. Ña tandachishcacunahuan tandachingapaj” ninmi.

SOFONÍAS 3:10

Etiopía llajtapi tiyaj jatun yacucuna chaininijpi causajcunami, ñucataca mañangacuna. Jerusalenmanta caita chaita cachashcacunami imalla cuna cashcata ñucaman cungapaj apamungacuna.

Mateo 12:21

Mana israelcunapish tucuicunami paipi shunguta churangacuna” nishcami pajtarca.

Lucas 2:32

Paica mana israelcunata luz shina achijyachinapajmi. Quiquinpaj pueblo Israeltapish paimanta shujtajcuna alli ninapajmi” nircami.

Juan 12:20

Pascua fiestapi Taita Diosta adorangapajca, achcacunami Jerusalenman huichiyarcacuna. Paicunapurapica, maijan griegocunapishmi chaipi carca.

Juan 7:1

Chai q'uipaca Galileapimi Jesusca yachachishpa puricurca. Judiocuna ima shinapish huañuchishun nicushcamantami Judeamanca mana rirca.

Juan 8:22

judiocunaca: –¿Paillataj huañuchirinata yuyashpachu: “Ñuca ricunmanca, cancunaca mana ri tucunguichijchu” nin imashi?– nircacuna.

Hechos 11:18

Chaita paicuna uyashpaca, tucuicuna upallashpami Taita Diostaca cashna nishpa jatunyachircacuna: –¡Taita Diosca mana judiocunamanpish mana allita ruracushcata saquishpa paiman cutirina yuyaita cushpami paicunamanpish huiñai causaita cushca!– nircacunami.

Hechos 11:20

Paicunapurapi maijancunaca Chipremanta, Cirenemantami carcacuna. Paicuna Antioquiaman chayashpaca, griegocunamanpishmi, Mandaj Jesusmanta alli huillaita huillarcacuna.

Hechos 14:1

Iconio puebloman chayashpaca judiocunapaj sinagogamanmi Pablondij Bernabendij yaicurcacuna. Chaipica ima shina huillaj cashca shinallataj Taita Diospaj Shimita huillajpimi judiocunapish, griegocunapish achcacuna crircacuna.

Hechos 17:4

Chaimi tauca judiocuna crishpa Pablohuan, Silashuan tandanacurcacuna. Judío tucushpa Taita Dios yuyailla caj achca griegocunapish, alli nishca huarmicunapish achcacunami crircacuna.

Hechos 18:4

Pabloca samana punllacunapica sinagogaman rishpami judiocunahuanpish griegocunahuanpishparlanacushpa Jesusta catijcuna cachun yachachirca.

Hechos 21:21

Mana judiocunapaj chaupipi caj tucui judiocunamanca, Moisés Mandashcatapish ama ruraichijchu, cancunapaj huahuacunatapish ama circuncisionta rurachichijchu, judiocuna rurana cashcacunatapish ama ruraichijchu nishpa yachachicun nishpami canmantaca nicuncuna.

Hechos 22:21

Chashna nijpimi Jesusca: “Ri, ñucami cantaca caru llajtacunapi caj mana judiocunapajman cachagrini” nircami nishpami parlarca.

Romanos 1:16

Ñucaca alli huillaimantaca mana pingarinichu. Alli huillaica tucuita rurai tucuj Diosmanta cashcamantami, puntaca judiocunata, griegocunatapish maijanpish crijpica, tucuicunata quishpichin.

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.

1 Timoteo 2:7

Chaita huillachun churashca apostolmi cani. Mana judiocunaman mana llulla crinata yachachij cachun churashcami cani. Chaitami Cristomantaca, mana llullashpa huillani.

2 Timoteo 1:11

Cai alli huillaita mana judiocunaman huillachun, apóstol cachun, yachachij cachun churashcami cani.

Santiago 1:1

Taita Diospajtapish, Mandaj Jesucristopajtapish ruraj Santiagomi cani. Caita chaita rishca chunga ishqui aillucunatami allilla cashca cachun nini.

1 Pedro 1:1

Jesucristopaj apóstol Pedromi, quiquin llajtamanta llujshishpa caita chaita rishpa Pontopi, Galaciapi, Capadociapi, Asiapi, Bitiniapi causacujcunaman quillcani.