Juan 7:34 - Dios Rimashca Shimicunami

³⁴ Cancunaca ñucataca mashcanguichijmi. Mashcashpapish mana japinguichijchu. Ñuca maipi canmanca, cancunaca mana shamui tucunguichijchu– nircami.

Mushuj Testamento Diospaj Shimi

³⁴ Chaipica Ñucata mashcashpapish, ña mana japinguichijchu. Ñuca tiyacunmanca, mana shamui tucunguichijchu» nircami.

Juan 7:34 Iomraidhean Croise

OSEAS 5:6

Paicunapaj ovejacunata, vacacunata apashcami Mandaj Diosta mashcashpa puringacuna. ¡Mandaj Diosca paicunamanta anchurishcamanta mana japingacunachu!

Mateo 23:39

Ñucataca cunanmanta pachami: “¡Jatun Diospaj shutipi shamucuj allimari cangui!” ningacama manataj ricunguichij” nircami.

Juan 14:3

Ñuca rishpa cancuna causanata allichishca q'uipaca cancunapish ñuca maipimi cani cancunapish chaipi cachun pushangapaj tigramushami.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

Juan 7:36

Paica: “Ñucataca mashcanguichijmi, mashcashpapish mana japinguichijchu. Ñuca maipi canmanca, cancunaca mana shamui tucunguichijchu” nishpaca ¿imatashi nisha nin?– nircacunami.