Juan 7:33 - Dios Rimashca Shimicunami

³³ Chaipimi Jesusca: –Ashacamallami cancunahuan cani. Chaimantaca ñucata cachajpajman tigrashpa rishallami.

Mushuj Testamento Diospaj Shimi

³³ Chaimantami, Jesusca cashna nirca: «Ashacama cancunahuan casharajmi. Chai qʼuipaca, Ñucata Cachajpajmanmi tigragrini.

Juan 7:33 Iomraidhean Croise

Marcos 16:19

Shinallataj Mandaj Jesús tucuita rimajpica, paitaca jahua pachamanmi aparca. Chaipica, Taita Diospaj alli ladopimi tiyarirca.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 13:3

Jesusca paipaj maquipi paipaj Yaya Dios tucuita churashcata, Taita Diospajmanta shamushcata, Taita Diospajman cutin tigrana cashcatapishmi yacharca.

Juan 13:33

Huahuacuna, ashacamallami caipi cancunahuan tiyacuni. Cancunataca judiocunata nishca shinallatajmi nini: Ñucataca mashcanguichijmi. Ñuca maiman ricunmanca, cancunaca mana ri tucunguichijchu.

Juan 14:12

Maijanpish ñucata crijca, ñuca rurashca shinallatajmi paipish ruranga. Ñucaca ñuca Yayapajman rishcamanta chai ñuca rurashcacunata yallitapishmi ruranga. Chaica chashnatajmi canga.

Juan 14:19

Cai pachapaj cajcunaca ashacamallami ñucataca ricungacuna. Chai q'uipaca ña mana ashtahuan ricungacunachu. Cancunaca ñucataca ricunguichijmi. Ñuca causacushcamanta, cancunapish causacunguichijllami.

Juan 14:28

“Ñucaca rigrinimi, cutin cancunapajman tigramushami” nijtaca ña uyarcanguichijmi. Ñucata c'uyashpatajca, ñuca Yayapajman rigrini nijta uyashpaca, cushicunguichijmanmi. Ñuca Yayaca ñucata yallimari.

Juan 16:10

Cashcata ruraj nishcaca, ñuca Yayapajman rijpi cancuna ñucata ña mana ricunami.

Juan 16:28

Ñuca Yayapajmantami cai pachamanca shamurcani. Cai pachata saquishpa, ñuca Yayapajmanmi cutin tigragrini– nijpimi,

Juan 16:5

Cunanca ñucata cachajpajmanmi rigrini. Shina cajpipish cancunamanta shujllapish: “¿Maimantaj ricungui?” nishpa mana tapunguichijchu.

Juan 17:11

Ñucaca ña mana cai pachapichu cagrini. Paicunaca cai pachapirajmi saquirigrin. Ñucaca quiquinpajmanmi shamugrini. Jucha illaj Yayitu, ima shinami quiquinpish ñucapish shujlla canchij, chashnallataj paicunapish shujlla cachun. Quiquin ñucaman cushcacunataca quiquin tucuita rurai tucuj cashcahuan huaquichihuai.

Juan 17:13

Cunanca ñucaca quiquinpajmanmi tigragrini. Ñuca cushicushca shinallataj paicunapish cushicuchunmi cai pachapi cashparaj chashna nini.

Juan 20:17

Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

Juan 9:4

Ñucata cachaj Yaya imallata rurai nishcataca punllaraj cajpimi, rurana cani. Ña tutayajpica pi mana imata rurai tucunchu.