Juan 7:31 - Dios Rimashca Shimicunami

³¹ Chaipi cajcunamanta achcacuna Jesusta crishpaca: –Pai mana Cristo cajpica Cristo shamushpaca ¿cai runa rurashcacunatapish yallitachu ruranga imashi?– nircacunami.

Mushuj Testamento Diospaj Shimi

³¹ Ashtahuanpish chaipi tandanacushcacunaca, achcacuna Jesusta crishpami cashna nircacuna: «¿Cristo shamushpaca, Pai rurashca señalcunatapish yallichu ruranga imashi?» ninacurcami.

Juan 7:31 Iomraidhean Croise

Mateo 12:23

Chaita tucui ricujcunaca, jatunta mancharishpami: “¿Caica Davidpaj Churichu imashi?” ninacurcacuna.

Lucas 8:13

Rumi shinaca huillashca Shimita uyashcahuan cushicushpa chasquijcunami. Shina cashpapish sapi mana ucujta cashcamanta paicuna crishcataca ashacamallami catin. Crij cashcamanta llaquicuna shamujpica saquirinllacunami.

Juan 11:45

Jesús chashna rurajta ricushpaca, Mariata cushichinaman shamushca judiocunapuramantaca achcacunami Jesusta crircacuna.

Juan 12:11

Lazarota causachishcamantami, achca judiocuna Jesusta crishpa chai curacunataca ña mana catishun nircacuna. Chaimi Lazarotaca huañuchishun nircacuna.

Juan 12:42

Tucui chaicuna chashna cajpipish llajtata mandajcunacamami, achcacuna Jesustaca crircacuna. Paicunaca sinagogamanta fariseocuna llujshichishpa, cachanata manchashcallamantami crishcataca mana huillarcacuna.

Juan 2:11

Jesusca Galileapi caj Caná pueblopimi, milagrota ruranataca callarirca. Paica tucuita rurai tucuj cashcata chaipi ricuchijpimi, paipaj yachacujcunaca paita crircacuna.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 4:29

–Jacuchij, shuj runata ricunguichij. Paica tucui ñuca ima shinalla cashcatami huillan. ¿Manachu paica Cristo canga?– nircami.

Juan 4:39

“Tucui ñuca imalla rurashcatami huillan” nishpa huillajpica, Samaria pueblopi causajcunaca achcacunami Jesusta crircacuna.

Juan 6:2

Pi mana alliyachipaj unguihuan cajcunata Jesús alliyachijta ricushcamantami achcacuna paita catishpa rircacuna.

Juan 7:26

Riquichij, tucuicunaman huillacujpipish, paitaca pi imata mana ninca. ¿Mandajcunaca paitaca Cristo cashcatachu yuyancuna imashi?

Juan 9:16

maijan fariseocunaca: –Samana punllata mana huaquichij runaca, maitataj Taita Dios cachashca cangari– nircacuna. Maijancunaca: –Chai runaca juchayuj cashpaca ¿ima shinataj pi mana rurai tucuipajtaca rurangari?– nircacunami. Chashnami paicunapurallataj caita chaita yuyashpa ch'ican ch'ican yuyai tucurcacuna.

Hechos 8:13

Chai Simonpish crishpa bautizarishpaca, Felipehuanmi purirca. Paica Felipe pi mana rurai tucuipaj jatun mancharinacunata, ricuchinacunata rurajta ricushpami jatunta mancharirca.

Santiago 2:26

Ima shinami alma illajlla cuerpoca huañushca. Chashnallatajmi ima rurashcacuna illajlla crijca huañushcallataj.