Juan 7:30 - Dios Rimashca Shimicunami

³⁰ Shina nijpi paita japinata yuyacushpapish paita japina horas manaraj chayamushcamanta pi mana japi tucurcacunachu.

Mushuj Testamento Diospaj Shimi

³⁰ Shina nijpica huañuchingapaj japishun yuyashpapish, Paita japina horas manaraj pajtashcamanta, ima shina mana japi tucurcachu.

Juan 7:30 Iomraidhean Croise

SALMOS 76:10

Runacuna p'iñarijpica quiquinca ashtahuan jatun nishcami tucungui. Quiquin p'iñarishpa llaquichijpi saquirishcacunatapish cumurichinguirajmi.

ISAÍAS 46:10

Ñucami q'uipa punlla imalla tucunataca, callarimantapacha tucuita huillani. Ñucaca ñaupa punllamantatajmi q'uipa punllapi ñuca imata ruragrishpaca manaraj chaita rurashpa huillani. Cashnami nini: Ñuca imalla rurana tucushcaca ruraricungallami. Ñuca imallatami rurasha nircani chaitaca rurashatajmi.

Mateo 12:14

Fariseocuna chaimanta llujshishpaca Jesusta ima shina huañuchinatami yuyarinacurcacuna.

Mateo 21:46

Jesusta ima shina japinata yuyarishpapish, gentecuna profetami nicushcamanta mancharcacuna.

Marcos 11:18

Chashna nijta mandashcacunata quillcajcunapish, curacunata mandajcunapish uyashpaca, ima shinapish huañuchinatami yuyarircacuna. Chashna yuyarinacucushpapish Jesús yachachishcataca allimi yachachin nishpa tucuicuna uyanachicujpimi, paicunata manchashcamanta mana imata rurai tucurcacuna.

Lucas 20:19

Curacunata pushajcuna, mandashcacunata quillcajcunapish paicunata uyachishpa, chai yuyachij parlota Jesús parlashcata entendishpami, cunantaj ima shinapish japishun nircacuna. Ashtahuanpish chaipi cajcunatami mancharcacuna.

Lucas 22:53

Punllanta cancunahuan Taita Diospaj huasipi cajpipish, manamari japircanguichijchu. Cunanca ñucata japichina pajtajpimi, amsapi mandacuj diablo yuyaita cushcamanta ñucataca japinguichij– nircami.

Juan 10:31

judiocunaca Jesusta huañuchishun nishpa cutin rumicunata japircacuna.

Juan 10:39

Chaimi cutinllataj ima shinapish paita japinata yuyarishpa japigrijpica, paicunapaj maquimanta llushpirishpa rircalla.

Juan 11:57

Curacunata mandajcunapish, fariseocunapish Jesús maipi cashcata maijanpish yachashpaca, huillaj shamuchun paita japigringapaj nishpami, shuj mandashcata churashcacuna carca.

Juan 7:19

Moisesca ¿manachu cancunamanca Taita Dios Mandashcata curca? Chai mandashcataca cancunaca pi mana cazucunguichijchu. ¿Ima nishpataj ñucataca huañuchishun nicunguichigari?– nircami.

Juan 7:32

Jesusmanta tucuicuna chashna parlanacucujta fariseocuna uyashpaca, curacunata mandajcunahuan, fariseocunahuan tucushpami Jesusta prezu japimuchun soldadocunata cacharcacuna.

Juan 7:6

Chaimi Jesusca: –Ñuca rina punllaca manaraj chayamunchu. Ashtahuanpish cancunapajca ima horaspish rinallamari.

Juan 7:8

Cancunaca chai fiestamanca richijlla. Ñuca rinaca manaraj chayamujpimi, chai fiestamanca ñucaca manaraj rini– nircami.

Juan 8:20

Jesusca, Taita Diospaj huasipi yachachicushpami, ofrendata cushpa churana c'uchupi cashpa chashnaca nirca. Chaipica paita japina horas manaraj pajtajpimi, mana pi japircacuna.

Juan 8:37

Abrahampaj huahua huahuacuna cajtaca yachanitajmari. Shina cashpapish, ñuca yachachishcacunaca mana cancuna munashca cajpi mana chasquishpami, ñucataca ima shinapish huañuchishun nicunguichij.

Juan 8:59

Chashna nijpica Jesusta shitangapajmi rumicunata japircacuna. Ashtahuanpish Jesusca pacatucushpami, Taita Diospaj huasimanta paicunapaj chaupillatataj llujshishpa rirca.

Juan 9:4

Ñucata cachaj Yaya imallata rurai nishcataca punllaraj cajpimi, rurana cani. Ña tutayajpica pi mana imata rurai tucunchu.