Juan 7:3 - Dios Rimashca Shimicunami

³ Chaimi Jesuspaj huauquicunaca: –Caimanta llujshishpa Judeaman ri. Canta catijcunapish can imalla rurashcacunata ricuchun.

Mushuj Testamento Diospaj Shimi

³ Chaimantami Jesuspaj huauquicunaca, cashna nircacuna: —Cambaj yachacujcunapish Can imalla ruracushcata ricuchunca, Judeaman riari.

Juan 7:3 Iomraidhean Croise

GÉNESIS 37:20

Cunanca, pai muscushca ima shina pajtajta ricungapaj c'amachij huañuchishpa jutcupi shitashunchij. Yayamanca: Sacha animalmi micushca canga nishunllami– nircacuna.

JEREMÍAS 12:6

Cambaj yayapaj familiapura cambaj quiquin huauquicunallatajmari canta huañuchingapaj jatarishcacuna. Paicunamari canta japingapaj caparinacushpa catincuna. Paicuna sumajta rimajpipish, ama shunguta churanguichu.

Mateo 12:46

Chaipi cajcunaman Jesús huillacujpirajmi, paipaj mamapish, huauquicunapish paihuan rimangapaj canllapi shuyacurcacuna.

Marcos 3:21

“Jesustaca yuyai illaj tucushpami puricun” nijta paipaj familiacuna uyashpami japishpa pushangapaj shamurcacuna.

Marcos 3:31

Chashna yachachicujpimi Jesuspaj huauquicunapish paipaj mamapish chayamushpaca, mana yaicushpa canllamanta cayaj cacharca.

Lucas 8:19

Chaipi cajpimi Jesuspaj mamapish, huauquicunapish paipajman shamurcacuna. Achca gentecuna chaipi cashcamantami, paipajmanca mana c'uchuyai tucurcacuna.

Lucas 8:20

Chaita ricujcunaca: –Cambaj mama, cambaj huauquicunamari canhuan parlashun nishpa canllapi shuyacuncuna– nijpimi,

Juan 2:2

Jesuspish, paipaj yachacujcunapish cayashca cashpami chaiman rircacuna.

Juan 6:60

Jesús chashna nijta achca paita catijcuna uyashpaca: –Cai yachachishcaca sinchimari. ¿Pitaj uyasha ningari?– nircacunami.

Juan 6:66

Chai punllamantami paipaj yachacujcunaca achcacuna huashaman tigrashpa, ña mana paihuan purircacuna.

Juan 7:10

Paipaj huauquicuna rishca q'uipami, Jesuspish chai fiestamanca pi mana yachajllapi pacalla rirca.

Juan 7:4

Tucuicuna rijsishca casha nishpaca pi imata mana pacalla ruranchu. Chaimanta can ruracushcacunataca tucuicunapaj ñaupajpi rurashpa ricuchigri– nircacunami.

Juan 7:5

Paipaj huauquicunapish Jesustaca Quishpichij cashcataca mana crircacunachu.

Hechos 2:14

Chaipimi Pedroca, chunga shuj apostolcunandij shayarishpaca, sinchita rimashpa cashna nirca: “Judiocuna, Jerusalenpi tucui causajcuna, tucui chaicuna imata nisha nishcata entendingapajca ñuca huillashcata alli uyapaichij.

1 SAMUEL 17:28

Chaipi cajcunahuan David parlacujta paipaj punta huauqui Eliab uyashpaca, nina sindirij shina p'iñarishpami Davidtaca: –¿Imapajtaj caiman uriyamurcangui? Ashalla ovejacunatapish chai shitashcapica ¿pimantaj saquimurcangui? Jatun tucushca yuyaihuan, mana alli shunguhuan cashcatapish ñucaca yachanimi. Chaipajllamari macanacuita ricunaman shamushcangui– nircami.