Juan 7:28 - Dios Rimashca Shimicunami

²⁸ Chashna nishcamantami Jesusca Taita Diospaj huasipi yachachicushpaca sinchita rimashpa cashna nirca: –Shinashpaca, ñucataca rijsishcanguichijmi. Maimanta cashcatapish yachashcanguichijmi. Ñucaca Taita Dios cachajpi shamujmi cani. Mana ñucallatajchu shamurcani. Paitaca cancunaca mana rijsinguichijchu. Paica mana llullachu.

Mushuj Testamento Diospaj Shimi

²⁸ Chaimantami Jesusca, Diospaj huasipica sinchita rimashpa cashna yachachirca: —¡Ñucataca rijsinguichijtajmari, maimanta cashcatapish yachanguichijtajmari! Mana Ñuca quiquin yuyaillamanta shamurcanichu. Ashtahuanpish cancuna shunguta churaipaj cachajpimari shamurcani, Paitamari mana rijsinguichij.

Juan 7:28 Iomraidhean Croise

SALMOS 9:10

Mandaj Dioslla, cambaj shutita rijsijcunaca, canpimi shunguta churangacuna. Canta mashcajcunataca manataj shitashcata saquinguichu.

JEREMÍAS 31:34

Chaipica c'uchullapi causajcunapurapish, huauquindijpurapish: Mandaj Diosta rijsi nishpa yachachinacuna mana cangachu. Ñucataca uchillamantapacha jatuncunacama, tucuicunami rijsingacuna. Ñucallatajmari paicunapaj tucui juchacunata perdonasha. Paicuna mana allita rurashcataca, manataj cutinca yuyarishachu” ninmi Mandaj Diosca.

JEREMÍAS 9:6

Tucui laya umarishpami causacuncuna. Chashna yallitaj umajcuna cashpami, ñucataca mana paicunapaj Dios cashcata rijsishun nincuna” ninmi Mandaj Diosca.

OSEAS 4:1

Israelcuna, Mandaj Dios rimashcata uyaichij. Mandaj Diosca cai llajtapi causajcunataca p'iñarishpami rimacun. Cai llajtapica cashcata rurajcunapish, llaquijcunapish, Diosta rijsijcunapish mana tiyanchu.

OSEAS 5:4

Paicunapaj Taita Diospajman cutirinataca mana yuyancunachu. Paicunapurapica huainayachij espiritumi tiyan. Chaimi Mandaj Dios, Diostaj cashcataca mana entendincuna.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 2:23

Nazaret pueblopi causarca. Quishpichijca Nazareno nishcami canga nishpa profetacuna huillashca pajtachunmi chashna pajtarca.

Mateo 26:55

Chaipimi Jesusca, paita japijcunataca cashna nirca: –¿Shuhuata shinachu espadacunahuan, caspicunahuan japinaman shamushcanguichij? Ñucaca Diospaj huasipica punllantami yachachishpa cancunallahuantaj carcani. Chaipica mana japircanguichijchu.

Lucas 10:22

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yaya pi cashcatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin– nircami.

Lucas 2:11

Cunanmari Davidpaj pueblopica, shuj Quishpichij huacharishca. Paica Mandaj Cristomi.

Lucas 2:39

Jatun Dios mandashcata tucuita pajtachishpami, Joseca Mariandij Galileapi caj paicuna causacushca Nazaret puebloman tigrarcacuna.

Lucas 2:4

Josepish, Galileapi caj Nazaretmantaca, Judeapi caj Belenmanmi huichiyarca. Ñaupa yaya Davidca chaipi huacharishca cashcamantami, Joseca Davidpaj huahua huahua cashcamanta chaiman rirca.

Lucas 2:51

Jesusca Nazaretman paicunahuan tigrashpaca, tucui ima nishcatapish cazushpami causarca. Paipaj mamaca, tucui imalla tucujta ricushpaca paipaj shungupimi huaquichishpa catirca.

Juan 1:46

Chaimi Natanaelca: –Nazaretpica ¿ima allitaj tiyangari?– nijpi, Felipeca: –¡Jacu ricungui!– nirca.

Juan 10:36

Ashtahuanpish cancunaca: Ñuca Yaya pai munashcata rurachun ch'icanchishpa cai pachaman cachashca cajtaca ¿maitataj Taita Diosta c'amijmi ninguichigari? Ñucaca pai cachashca cashpamari “Taita Diospaj Churimi cani” nircami.

Juan 12:49

Ñucaca mana ñuca quiquin yuyaimantachu rimarcani. Ñucata cachaj Yayami imallata rimanatapish, yachachinatapish ñucataca mandarca.

Juan 14:10

Ñucaca Yayahuan, Yayaca ñucahuan shujlla cashcataca ¿manachu cringui? Cancunaman ñuca imalla nishca shimicunataca, mana ñuca yuyaillamantachu nircani. Ashtahuanpish ñucapi causaj Yayami, tucui imalla pai munashcacunata rurachicun.

Juan 14:31

Chashna cajpipish cai pachapi cajcunaca ñuca Yayata ñuca c'uyashcatapish, pai mandashca shina ruracushcatapish yachachunmi chashna tucugrini. ¡Jatarichij, caimanta jacuchij!

Juan 16:3

Ñuca Yayatapish, ñucatapish mana rijsishcamantami chashna rurangacuna.

Juan 17:25

Cashcata ruraj Yayitu, cai pachapaj cajcunaca cantaca mana rijsircacunachu, ashtahuanpish ñucaca rijsinimi. Ñucapaj cajcunapish can ñucata cachashcataca rijsincunami.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 3:33

Maijanpish pai ricushcata huillajpi chasquijca, Taita Diosca mana llulla cashcatami ricuchin.

Juan 5:32

Shujtajmi ñucamantaca huillacun. Pai ñucamanta huillashcaca mana llullachu.

Juan 5:43

Ñucaca ñuca Yaya cachajpimi shamurcani, mana chasquishun ninguichijchu. Maijanpish manapish cachajpi shamujtarajmi chasquinguichijlla.

Juan 6:42

cashna nircacuna: –Caica ¿manachu Josepaj churi Jesús? Paipaj yaya mamatapish ñucanchijca rijsinchijmi. ¿Ima nishpataj cunanca: “Jahua pachamantami shamurcani” ninchu imamí?– nircacuna.

Juan 7:14

Chai fiesta ña chaupiyagrijpica, Jesusca Taita Diospaj huasiman rishpa chaipi yachachi callarijpimi,

Juan 8:14

Chaimi Jesusca: –Ñucallamantataj huillashpapish, ñucaca ima shina cashcatatajmi huillani. Ñucaca maimanta shamushcata, maiman rina cashcatapish yachanimi. Cancunaca ñuca maimanta shamushcata, maiman rigrishcatapish mana yachanguichijchu.

Juan 8:16

Pitapish imalla rurashcata ñuca ricuchishpaca ima shina cashcatatajmi ricuchini. Chashna rurangapajca mana ñucallachu cani, ñucata cachaj Yayahuanmi cani.

Juan 8:19

Chaimi paicunaca: –¿Maipitaj cambaj Yayaca?– nircacuna. Shina nijpi Jesusca: –Ñucatapish, ñuca Yayatapish mana rijsinguichijchu. Ñucata rijsishpaca, ñuca Yayatapish rijsinguichijmanmi– nirca.

Juan 8:26

Cancunataca achcata ninatami charini. Cancuna ima shina cashcataca chaitataj ricuchishpami rimana cani. Ñucata cachaj Yayaca ima shina cashcatataj rimajmi. Ñucaca pai ima shina rimangui nishca shinallatajmi cancunataca rimani– nircami.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

Juan 9:29

Ñucanchijca Moiseshuan Taita Dios rimashcatami yachanchij. Ashtahuanpish chai runataca, maimanta cashcatapish mana yachanchijchu– nircacunami.

Hechos 17:23

Cancunapaj pueblota puricushpaca cancunapaj dioscunata adorana altarcunatami ricurcani. Chai dioscunapaj pircashca altarcunapaj shuj altarpica: “Mana rijsishca Diospaj” nishpa quillcashcatami ricurcani. Chaitaca mana rijsishpapish adoracunguichijmi. Ñucapish chai Taita Diosmantami cancunamanca huillacuni.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

Romanos 3:4

¡Manataj chashnachu! Tucui gentecuna llulla cajpipish, Taita Diosca mana llullachu. Cashnami quillcashca tiyacun: “Quiquin cashcata ruraj cashcataca cambaj shimicunami ricuchin. Quiquinta juchachijpipish mishanguillami” ninmi.

2 Corintios 1:18

Ashtahuanpish Diosca pajtachijmi, chaimanta ñucanchijpish “chashnachu canga, manachu chashna canga” nishpaca mana huillashcanchijchu.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

Hebreos 6:18

Diosca mana llulla cashcata ricuchingapajca ima shina mana shujtajyachipajta nishcaca ishquimi tiyan. Ñucanchij mashcajcunaca, pai cusha nishpa ñucanchij ñaupajpi churashcata japina yuyaita charishcamantaca jatunta cushicushunchijlla.

1 Juan 5:10

Diospaj Churipi maijanpish crijca, pai quiquinllapitajmi huillajtaca charin. Diosta maijanpish mana crijca, paitaca llullatami ruran. Paipaj Churimanta Dios huillashcatami mana crishca.

1 SAMUEL 2:12

Elipaj churicunaca millaita rurajcuna, Mandaj Diostapish mana rijsijcunami carca.