Juan 7:27 - Dios Rimashca Shimicunami

²⁷ Ñucanchijca pai maimanta cashcataca yachanchijmi. Ashtahuanpish Cristo shamujpica, pai maimanta cashcataca pi mana yachangacunachu ninmi– nircacunami.

Mushuj Testamento Diospaj Shimi

²⁷ Manacataj chashna cangachu, cai runa maimanta cajtaca yachanchijmari. Cristo shamushpaca, maimanta cashca mana yacharishpa, ñapish ricuringallamari» nircacunami.

Juan 7:27 Iomraidhean Croise

ISAÍAS 11:1

Yaya Isaipaj troncomantaca shuj yurami huiñanga. Paipaj sapicunamantaca mushuj yurami retoñanga.

ISAÍAS 53:8

Prezu apashpa yanga juchachishpami huañuchircacuna. Pai huiñaicunapish pi mana mitsarcachu. Cai pachapi causajcunapuramanta anchuchircami. Ñuca agllashcacuna mana cazushcamantami chugrichishpa huañuchirca.

JEREMÍAS 23:5

Mandaj Diosca cashnapishmi nin: “Shamuj punllacunapica, Davidpaj huahuapuramantami cashcata ruraj mandajta churasha. Paimi cai llajtata Jatun Mandaj canga. Paica cushicushpami cai llajtapica alli mandanga, tucuicunapajmi cashcata ruranga.

JEREMÍAS 30:21

Mandaj Diosca cashnapishmi nin: “Paicunapurallamantatajmi paicunata pushaj llujshinga. Shuj mandajmari paicunapaj chaupillamantataj llujshinga. Paitaca ñucapajman c'uchuyachun saquishallami. Paipish ñucapajmanca c'uchuyangallami. Ñucapajmanca pi mana c'uchuyai tucuipajchu.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

Marcos 6:3

¿Manachu paica carpinterolla? ¿Manachu Mariapaj churilla? ¿Manachu paipaj huauquicunapish Jacobo, José, Judas, Simón? ¿Manachu paipaj panicunapish ñucanchij causan llajtallapitaj causancuna?– nishpami, Jesús yachachishcataca mana uyashun nishpa bullata rurarcacuna.

Lucas 4:22

Sumaj shimicunallata Jesús rimajta uyashpaca, tucuicuna mancharinacushpami paica allitamari nin nircacuna. Ashtahuanpish: –¿Manachu caica Josepaj churilla? nishpami parlanacurcacuna.

Juan 6:42

cashna nircacuna: –Caica ¿manachu Josepaj churi Jesús? Paipaj yaya mamatapish ñucanchijca rijsinchijmi. ¿Ima nishpataj cunanca: “Jahua pachamantami shamurcani” ninchu imamí?– nircacuna.

Juan 7:15

judiocunaca: –¿Ima shinataj caica, jatun yachanacunapi mana yachagrishca cashpapish cai tucuitaca yacharcari?– nishpa mancharircacuna.

Juan 9:29

Ñucanchijca Moiseshuan Taita Dios rimashcatami yachanchij. Ashtahuanpish chai runataca, maimanta cashcatapish mana yachanchijchu– nircacunami.

Hechos 8:33

Paita p'iñashpa llaquichicujpipish, pi mana mitsarcachu. Paitaca cai pachapica huañuchircacunami. Chaimanta paica huahua huahuacunayujmi carca nishpaca ¿pitaj parlai tucungari?” nishcatami rezacurca.