Juan 7:19 - Dios Rimashca Shimicunami

¹⁹ Moisesca ¿manachu cancunamanca Taita Dios Mandashcata curca? Chai mandashcataca cancunaca pi mana cazucunguichijchu. ¿Ima nishpataj ñucataca huañuchishun nicunguichigari?– nircami.

Mushuj Testamento Diospaj Shimi

¹⁹ ¿Illu, Mandashcataca Moisestaj shina cancunamanca curcá? Chaitaca manamari pi pajtachinguichijchu. ¿Shinashpaca, ima nishpataj ñucataca huañuchishun ninguichigari?— nircami.

Juan 7:19 Iomraidhean Croise

Mateo 12:14

Fariseocuna chaimanta llujshishpaca Jesusta ima shina huañuchinatami yuyarinacurcacuna.

Mateo 21:38

Chai churi chayajpi paita ricushpaca, chagrajcunaca: “Caimari paipaj churi cai tucuitaca paimari japinga. Pai japinataca ñucanchij japingapaj shamuichij huañuchishunchij” nircacunami.

Marcos 11:18

Chashna nijta mandashcacunata quillcajcunapish, curacunata mandajcunapish uyashpaca, ima shinapish huañuchinatami yuyarircacuna. Chashna yuyarinacucushpapish Jesús yachachishcataca allimi yachachin nishpa tucuicuna uyanachicujpimi, paicunata manchashcamanta mana imata rurai tucurcacuna.

Marcos 3:4

Jesusca chaipi cajcunataca: –Samana punllapica: ¿Allita ruranachu, mana cashpaca mana allita ruranachu, huañuimanta quishpichinachu, mana cashpaca huañuchinachu, imata ruranataj samana punllapica alli canga?– nishpa tapujpi paicunaca mana rimarcacunachu.

Marcos 3:6

Chaimanta fariseocuna llujshishpaca, Herodespura caj maijancunahuan tandanacushpami, Jesusta ima shina chingachinata yuyarircacuna.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Juan 10:39

Chaimi cutinllataj ima shinapish paita japinata yuyarishpa japigrijpica, paicunapaj maquimanta llushpirishpa rircalla.

Juan 11:53

Chai punllamantami, Jesustaca huañuchinatajmi nishpa yuyarinacurcacuna.

Juan 5:16

Samana punllapi alliyachishca cashcamantami judiocunaca, p'iñarishpa Jesustaca ima shinapish huañuchinata yuyacurcacuna.

Juan 5:18

Samana punllapi ungushcata alliyachishpa mana cazushcallamantaca mana carcachu. Taita Dios shina tucushpa Taita Diostapish ñuca quiquin Yayami nishcamantami judiocunaca ima shinapish huañuchinata yuyarcacuna.

Juan 5:45

Ñuca Yayapaj ñaupajpi cancunata ñuca juchachishpa huillana cashcataca ama yuyaichijchu. Shujtajmari juchachij tiyan. Cancuna shunguta churashca Moisesmari juchachicun.

Juan 7:1

Chai q'uipaca Galileapimi Jesusca yachachishpa puricurca. Judiocuna ima shinapish huañuchishun nicushcamantami Judeamanca mana rirca.

Juan 7:25

Jesús chashna nijpimi Jerusalenpi causaj maijancunaca cashna nircacuna: –Caica ¿manachu huañuchishun nishpa mashcacushca runa yuyachin?

Hechos 7:38

Chai Moisesllatajmi shitashca pambapi ñucanchij ñaupa yayacuna tandanacushcapurapipish carca. Paihuanmi Sinaí urcupi ángel rimarca. Chai rimashcataca ñucanchij ñaupa yayacunamanmi Moisesca huillarca. Paillatajmi causaita cuj shimicunatapish Taita Dios cushcata chasquishpa ñucanchijmanpish cujpi charinchij.

Gálatas 3:19

Shinashpaca ¿Mandashcaca imapajtaj alli? Mandashcaca mana cazujcuna cashcata ricuchichunllami, Dios cusha nishca huahua shamungacama q'uipata mirachishca carca. Chaitaca gentecunamanta rimaj Moisespaj maquipimi, angelcunata cuchirca.

Gálatas 6:13

Circuncisionta rurachijcunallatajpish, Mandashcataca mana huaquichincunachu. Ashtahuanpish cancuna circuncisionta rurachijpi, cancunapaj circuncisionmanta jatunyangapajllami chashna nincuna.

DEUTERONOMIO 1:17

Ima shina cashcata ricuchicushpaca, ama ñahuita ricushpalla llaquichinguichij. Jatun nishcacuna yangallacuna huillajpipish ishquindijtataj chai shinallataj alli uyanguichij. Cancunaca maijanta ama manchanguichijchu. Taita Dios mandashcata ruracushcamantaca chai rurashcaca Taita Diospajmi. Imapish cancuna mana allichi tucuipaj cajllata ñucapajmanca apamunguichij. Chaitaca ñucami uyasha nircanimi.

DEUTERONOMIO 33:4

Moisesca mandashcacunataca Jacobpaj huahua huahuacuna tandanacushcapaj cachunmi curca.