Juan 7:17 - Dios Rimashca Shimicunami

¹⁷ Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.

Mushuj Testamento Diospaj Shimi

¹⁷ Pipish Diospaj munaita rurasha nijllami, Ñuca yachachishcaca Diospaj cashcata, mana cashpaca Ñuca yuyaillamanta rimacushcataca yachanga.

Juan 7:17 Iomraidhean Croise

SALMOS 119:10

Ñuca tucui shunguhuanmi quiquintaca mashcarcani. Quiquin mandashcacunamanta anchurichunca, amataj saquihuanguichu.

SALMOS 25:12

¿Pishi Mandaj Diosta manchaj runaca? Paita manchajtaca maijan ñanta agllanatami yachachin.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

PROVERBIOS 28:5

Millai shungu runacunaca cashcata ruranataca mana yachancunachu. Ashtahuanpish Mandaj Dios yuyailla causajcunaca, chaita ruranataca tucuitami yachan.

PROVERBIOS 3:32

Mandaj Diosca millaita rurajtaca, manataj ricunachinchu. Ashtahuanpish cashcata rurajcunahuanca, tandallami causan.

ISAÍAS 35:8

Chaipica rumicunahuan allichishca ñanmi tiyanga. Chai ñanca: “Jucha illaj Ñan” nishcami canga. Mapacunaca chai ñantaca mana puringacunachu. Ashtahuanpish Taita Diostajmi paicunahuan canga. Maijanpish chai ñanpi puricujca imata mana jahualla yachai tucuipaj cashpapish mana pandaringachu.

DANIEL 12:10

Tucui chaicunahuanca achcacunami yurajllata, mapa illajllata rurashpa chuyajllata rurashca cangacuna. Diosta mana rijsijcunaca, Diosta mana rijsij shinallatajmi rurangacuna. Diosta mana rijsijcunaca, pi mana entendingacunachu. Ashtahuanpish entendijcunallami, caicunataca entendingacuna.

OSEAS 6:3

Mandaj Diosta rijsishunchij. Paitaca rijsingacamataj fuerzarishpa mashcashunchij. Paica pacaripi mana uniyashpa inti llujshij shinami shamunga. Punta tamya, q'uipa tamya allpaman shamuj shinami ñucanchijpajmanca shamunga.

MIQUEAS 4:2

Achca llajtacunamanta tandanacushpami cashna ningacuna: “Mandaj Dios causacun urcuman huichiyashunchij. Jacobpaj Diospaj huasiman yaicushunchij. Chaipica alli ñanta purinatami yachachinga. Chashna yachachijpica, alli ñanpimi purishun” ningacunami. Sionmantaca mandashcacunami llujshinga. Jerusalenmantaca Mandaj Dios huillashca shimicunami llujshinga.

MALAQUÍAS 4:2

Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij.

Mateo 6:22

Cuerpopaj luzca ñahuimi. Cambaj ñahui alli cajpica, tucui cuerpo luzhuan jundami canga.

Lucas 8:15

Ashtahuanpish alli allpa shinaca, tucui shunguhuan, tucui munaihuan huillashca Shimita uyashpa, mana cungarishpa chaitataj rurashpa granoshcata ricuchijcunami.

Juan 3:21

Ashtahuanpish mana llullapi causacujcunaca paicuna rurashcacuna Taita Dios munashcata ruracushca tucuicunapaj ñaupajpi alli ricurichun luzman c'uchuyanllacunami– nircami.

Juan 8:43

¿Ima nishpataj ñuca yachachishcataca mana entendinguichigari? Cancunallataj mana uyasha nishcamantami mana entendinguichij.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Juan 8:47

Maijanpish Taita Diospajtaj cajca, paipaj Shimitaca uyanllami. Ashtahuanpish cancunaca mana Taita Diospaj cashpami paipaj Shimitaca mana uyashun ninguichij– nircami.

Hechos 17:11

Bereapi causajcunaca Tesalonicapi causajcunata yalli ashtahuan alli yuyaiyujcunami carca. Chashna cashpami paicuna huillashcata alli uyashpa chashna cashcata mana chashna cashcata yachangapaj Taita Dios Quillcachishcacunataca punllanta alli ricujcuna carca.