Juan 7:15 - Dios Rimashca Shimicunami

¹⁵ judiocunaca: –¿Ima shinataj caica, jatun yachanacunapi mana yachagrishca cashpapish cai tucuitaca yacharcari?– nishpa mancharircacuna.

Mushuj Testamento Diospaj Shimi

¹⁵ Pai yachachishcata uyashpami, judiocunaca: «¿Ima shinataj caica, maipi mana unaita yachashca cashpapish, cai tucuitaca yacharcari?» nishpami mancharircacuna.

Juan 7:15 Iomraidhean Croise

ISAÍAS 29:12

Rezanata mana yachajmanpish librota cushpaca: “Cunanca caita rezai” nijpica, paica: “Mana rezanata yachanichu” ningami.

Mateo 13:54

Paipaj quiquin llajtaman shamushpami, chai llajtapi cajcunapaj sinagogacunapi yachachirca. Pai yachachishcamanta chai llajtapi causajcuna mancharinacushpaca: –¿Caica, maipishi cai shina yachaitaca yachamun? ¿Ima shinashi cai milagrocunatapish ruran?

Mateo 22:22

Chaita uyashpaca mancharinacushpa rircallacunami.

Mateo 22:33

Jesús yachachishcata uyashpaca gentecunaca achcatami mancharircacuna.

Lucas 2:47

Tucui tapushcacunata cutichishcata uyajcunaca, alli cutichijpimi, yuyaisapa cashcata ricushpa mancharircacuna.

Lucas 4:22

Sumaj shimicunallata Jesús rimajta uyashpaca, tucuicuna mancharinacushpami paica allitamari nin nircacuna. Ashtahuanpish: –¿Manachu caica Josepaj churilla? nishpami parlanacurcacuna.

Juan 1:19

Jerusalenpi causaj judiocunami curacunatapish, levitacunatapish: –¿Canca pitaj cangui?– nishpa Juanta tapuchun cachajpi, Juanca cashna nirca:

Juan 7:11

Judiocunaca chai fiestapi Jesusta mashcacushpaca: –¿Maipishi chai runaca?– ninacurcacunami.

Juan 7:13

Judiocunata manchashcamantami, tucuicunapaj ñaupajpica Jesusmantaca pi mana parlanacui tucurcacuna.

Juan 7:46

paicunaca: –¡Chai runa shinatajca pi mana rimashcachu!– nircacuna.

Hechos 26:24

Pai ima shina cashcata Pablo alli huillajpimi Festoca: –¡Pablo, canca locomari cangui! ¡Achcata yachacushpallamari loco tucushcangui!– nishpami sinchita rimarca.

Hechos 4:13

Pedropish, Juanpish mana manchashpa rimajta uyashpami mandajcunaca: –¿Ima shinataj mana jatun yachanaman rishca yanga runacunaca chashna rimanchu imamí?– nishpami achcata mancharircacuna. Chashna nicushpapish paicunataca, Jesushuan purijcuna cashcatami yuyarircacuna.

1 SAMUEL 10:11

Profetacunahuan Saúl tandanacushpaca, paicuna shina tucujta ricushpami, ñaupaman paita rijsijcunaca caishuj chaishuj: “Cis runapaj churi Saulca ¿imataj tucushcachu imamí? ¿Saulpish profetacunapurachu tucushca imamí?” ninacurcacuna.