Juan 7:13 - Dios Rimashca Shimicunami

¹³ Judiocunata manchashcamantami, tucuicunapaj ñaupajpica Jesusmantaca pi mana parlanacui tucurcacuna.

Mushuj Testamento Diospaj Shimi

¹³ Chashna ninacushpapish, judiocunata manchashcamantami, paicunapuralla parlanacurcacuna.

Juan 7:13 Iomraidhean Croise

PROVERBIOS 29:25

Runata manchanaca tsagnarishpa urmana linchimi. Ashtahuanpish Mandaj Diosca, paipi shunguta churajtaca huaquichingami.

Juan 19:38

Tucui chaicuna chashna tucushca q'uipami Arimateamanta Joseca, Jesuspaj cuerpota apangapaj Pilatota mañagrirca. Pilatoca apailla nijpimi, Jesuspaj cuerpotaca apashpa rirca. Joseca judiocunata manchashcamanta, pacalla Jesuspaj yachacujmi carca.

Juan 20:19

Chai punllallataj semana callari ña tutayacujpimi, yachacujcunaca judiocunata manchashcamanta pungucunata huichcashpa tandanacushpa tiyacurcacuna. Chaipimi Jesusca paicunapaj chaupipi shayarishpaca: –¡Sumaj causai cancunahuan cachun!– nirca.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 7:1

Chai q'uipaca Galileapimi Jesusca yachachishpa puricurca. Judiocuna ima shinapish huañuchishun nicushcamantami Judeamanca mana rirca.

Juan 7:11

Judiocunaca chai fiestapi Jesusta mashcacushpaca: –¿Maipishi chai runaca?– ninacurcacunami.

Juan 7:15

judiocunaca: –¿Ima shinataj caica, jatun yachanacunapi mana yachagrishca cashpapish cai tucuitaca yacharcari?– nishpa mancharircacuna.

Juan 9:22

“Judiocunaca ñaupamanmi Jesusca Mesiasmi nishpa maijanpish huillajpica, sinagogamanta llujshichishpa shitashcami canga” nishpa yuyarinacushca carca. Chaita manchashcamantami chai yaya mamaca chashna nircacuna.

Juan 9:34

Chashna nijpica: –Canca juchapimi huacharishcangui. ¿Ñucanchijtachu yachachisha ningui?– nishpaca, caipica ña mana ashtahuan tandanacui tucunguichu nishpami llujshichishpa cacharcacuna.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.