Juan 7:12 - Dios Rimashca Shimicunami

¹² Chaipi caj achcacunaca Jesusmanta paicunapura achcata parlanacushpaca, shujcunaca: “Chai runaca allimari” nircacunami. Cutin maijancunaca: “Gentecunataca umacunllamari” nircacunami.

Mushuj Testamento Diospaj Shimi

¹² Fiestaman tandanacushcacunaca, achcacunami Paimantaca parlanacurcacuna. Shujcunaca: «Chai runaca allimari» nircacunami. Cutin maijancunaca: «Mana allichu, ashtahuanpish tucuicunata umacunllamari» ninacurcami.

Juan 7:12 Iomraidhean Croise

Mateo 10:25

Yachacujpish paita yachachij shinallataj, amopajta rurajpish paipaj amo shinallataj tucushpaca, allimi canga. Yayatapish supaicunata mandaj nicujcunaca huahuacunatacarin ¡Imatapishchari ningacuna!

Mateo 21:46

Jesusta ima shina japinata yuyarishpapish, gentecuna profetami nicushcamanta mancharcacuna.

Mateo 27:63

cashnami nircacuna: –Mandaj, chai llulla runa causacushpaca: “Quimsa punllacuna q'uipaca causarishallami” nishcatami yuyarinchij.

Lucas 18:19

Jesusca: –¿Ima nishpataj ñucataca alli ningui? Allica pi mana tiyanchu, ashtahuanpish Taita Diosllami allica tiyan.

Lucas 23:47

Chashna tucujta patsaj soldadocunata mandaj ricushpaca: –Cai runaca jucha illajtajmari cashca– nishpami, Taita Diosta jatunyachirca.

Lucas 23:50

Chaipica Judeapi caj Arimatea pueblomanta José shuti cashcata ruraj alli shungu runami tiyarca. Paica mandajcunapuralla tandanacushcamantami carca.

Lucas 6:45

Alli runaca, sumaj yuyaicunata shungupi huaquichishca cashpami allita riman. Millai runaca, millai yuyaicunata shungupi huaquichishca cashpami millaita riman. Shungupi imami junda tiyan chaillatajmi shimimanca llujshin.

Lucas 7:16

Chaita ricushpaca tucuicuna yallitaj mancharinacushpa Taita Diosta sumajmari cangui nishpaca: “Ñucanchijpurapica, shuj jatun profetami ricurishca. Taita Diosmari paipaj cajcunata ricuj shamushca” nircacuna.

Juan 6:14

Chai runacunaca, pi mana rurai tucuipajta Jesús rurajta ricushpami: –Caica cai pachaman shamuna cashca Profetatajmari– nircacuna.

Juan 7:32

Jesusmanta tucuicuna chashna parlanacucujta fariseocuna uyashpaca, curacunata mandajcunahuan, fariseocunahuan tucushpami Jesusta prezu japimuchun soldadocunata cacharcacuna.

Juan 7:47

Chaimi fariseocunaca: –¿Cancunatapishchu crichirca?

Juan 7:52

Shina nijpimi caishuj fariseocunaca: –¿Canpish galileopurachu cangui? Quillcachishcata alli ricuiyari. Galileamantaca shuj profetallapish manaraj tiyashcachu– nircacuna.

Juan 9:16

maijan fariseocunaca: –Samana punllata mana huaquichij runaca, maitataj Taita Dios cachashca cangari– nircacuna. Maijancunaca: –Chai runaca juchayuj cashpaca ¿ima shinataj pi mana rurai tucuipajtaca rurangari?– nircacunami. Chashnami paicunapurallataj caita chaita yuyashpa ch'ican ch'ican yuyai tucurcacuna.

Hechos 11:24

Bernabeca alli shungu, jucha illaj Espirituhuan junda, Mandaj Jesusta tucui shunguhuan crijmi carca. Chashna cashpa huillajpimi achcacuna Mandaj Jesushuan shujlla tucurcacuna.

Romanos 5:7

Cashcata rurajmantapish pi mana huañusha ninmanchu. Shina cajpipish alli cajmantaca, maijan huañusha ninmanchari.

Filipenses 2:14

Ama huashalla parlanacushpa, ama rimanacushpa tucui imatapish alli ruraichij.