Juan 6:68 - Dios Rimashca Shimicunami

⁶⁸ Simón Pedroca: –Mandaj Jesús ¿pipajmantaj rishunri? Canmari huiñai causaita cuj shimicunataca charingui.

Mushuj Testamento Diospaj Shimi

⁶⁸ Shina nijpimi Simón Pedroca, cashna nirca: —Apunchij Jesuslla, ¿pipajmantaj rishunri? Quiquinllamari huiñai causaita cuj shimicunata rimangui.

Juan 6:68 Iomraidhean Croise

SALMOS 73:25

Jahua pachapica, pi shujtajta mana charinichu, quiquinllatamari charini. Cai pachapipish, quiquinmanta ch'ican ima shujtajtaca mana charisha ninichu.

Mateo 16:16

Simón Pedroca: –Canca causaj Diospaj Churi, Cristomari cangui– nirca.

Marcos 8:29

Chaimi Jesusca: –Cancunaca ñucataca ¿pi cashcatataj yuyanguichij?– nijpi, Pedroca: –Canca Cristomi cangui– nirca.

Lucas 9:20

Chaimi Jesusca: –Cancunaca ñucataca ¿pi cashcatataj yuyanguichij?– nijpi, Pedroca: –Canca Taita Diospajmanta shamuj Cristomi cangui– nirca.

Juan 12:49

Ñucaca mana ñuca quiquin yuyaimantachu rimarcani. Ñucata cachaj Yayami imallata rimanatapish, yachachinatapish ñucataca mandarca.

Juan 12:50

Pai mandashcaca, huiñai causaipaj cashcataca yachanimi. Chaimi ñuca rimashpaca, ñuca Yaya ñucata mandashca shinallataj rimani” nircami.

Juan 17:8

Quiquin ñucata huillai nishcacunatami paicunamanca huillarcani. Paicunaca chasquircacunami. Ñucataca quiquinpajmantataj shamushcatami yacharcacuna. Quiquin cachajpi shamushcatapish crircacunami.

Juan 5:24

Pipish ñuca shimita uyashpa, ñucata cachaj Yayata crijca huiñai causaitami charin. Huañushca cashpapish huiñai causaiman ch'imbashca cashcamanta jatun llaquimanca manataj ringachu. Chaica chashnatajmi.

Juan 6:40

Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

Juan 6:63

Taita Diospaj Espiritumi causaita cujca, aichaca causaitaca mana cunchu. Cancunaman ñuca huillashca shimicunaca causaita cuj Espiritumi.

Hechos 13:26

Abrahammanta mirarishca ñuca huauquicunapish, shinallataj maijanlla Taita Diosta manchajcunapish, quishpirinamanta cai huillashcaca cancunapajmi.

Hechos 4:12

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun– nircami.

Hechos 5:20

“Richij, Taita Diospaj huasipi shayarishpa, ima shina mushuj causaiyuj tucunata huillaichij” nirca.

Hechos 7:38

Chai Moisesllatajmi shitashca pambapi ñucanchij ñaupa yayacuna tandanacushcapurapipish carca. Paihuanmi Sinaí urcupi ángel rimarca. Chai rimashcataca ñucanchij ñaupa yayacunamanmi Moisesca huillarca. Paillatajmi causaita cuj shimicunatapish Taita Dios cushcata chasquishpa ñucanchijmanpish cujpi charinchij.

Hechos 8:37

Felipeca: –Tucui shungumanta crishpaca, ari pudinguimi– nijpi, paica: –Jesucristotaca, Taita Diospaj Churi cashcatami crini– nirca.