Juan 6:66 - Dios Rimashca Shimicunami

⁶⁶ Chai punllamantami paipaj yachacujcunaca achcacuna huashaman tigrashpa, ña mana paihuan purircacuna.

Mushuj Testamento Diospaj Shimi

⁶⁶ Chaipachamantami Paihuan yachashpa puricujcunaca, achcacuna huashaman tigrashpa, ña mana Paihuan purircacuna.

Juan 6:66 Iomraidhean Croise

SOFONÍAS 1:6

Shinallataj Mandaj Diosta caticushca jahua paimanta anchurijcunatapish, mana mashcajcunatapish, paita mana imata tapujcunatapish chingachingami” nishpami huillarca.

Mateo 19:22

Chai moso uyashpaca, achcata charij cashcamantaca llaquirishpa rircallami.

Lucas 9:62

Chaimi Jesusca: –Maijanpish huashaman ricushpaca, mana yapunchu. Chashnacunaca Taita Dios mandacujpica mana paipajta ruraj cai tucunchu– nirca.

Juan 2:2

Jesuspish, paipaj yachacujcunapish cayashca cashpami chaiman rircacuna.

Juan 6:60

Jesús chashna nijta achca paita catijcuna uyashpaca: –Cai yachachishcaca sinchimari. ¿Pitaj uyasha ningari?– nircacunami.

Juan 6:64

Chashna huillajpipish cancunamanta maijancunaca manaraj cringuichijchu– nircami. (Jesusca callarimantami maijanlla mana crij cashcata, pi paita japichina cashcatapish yacharca).

Juan 7:3

Chaimi Jesuspaj huauquicunaca: –Caimanta llujshishpa Judeaman ri. Canta catijcunapish can imalla rurashcacunata ricuchun.

Juan 8:31

Jesusca, paita crij judiocunataca cashnami nirca: –Ñuca yachachishcacunata catirashpaca, ñuca yachacujcunatajmi canguichij.

2 Timoteo 1:15

Asiamanta tucui cajcuna, ñucata shitashpa rishcataca ñami yachangui. Paicunapurapica Figelo, Hermogenespishmi carca.

2 Timoteo 4:10

Demas shuti runaca cai pachapi tiyajcunata munashcamantami, ñucallata saquishpa Tesalonicaman rirca. Crescenteca Galaciaman, Titoca Dalmaciamanmi rirca.

Hebreos 10:38

Cashcata rurajca, crishcamantami causanga. Ashtahuanpish huashaman tigrarijca, mana ñuca munashcachu” ninmi.

1 Juan 2:19

Paicunaca ñucanchijpuramantami llujshircacuna, ashtahuanpish mana ñucanchijpurachu carca. Ñucanchijpura cashca cashpaca, ñucanchijhuanmi caticunman carca. Ñucanchijpurapi cajcunaca mana tucuicuna ñucanchijpura cashcata ricuchunmi chashna tucurca.