Juan 6:6 - Dios Rimashca Shimicunami

⁶ Ashtahuanpish ima nijta uyangapajllami chashnaca nirca. Jesusca, paillataj imata rurana cashcataca ñami yacharca.

Mushuj Testamento Diospaj Shimi

⁶ Imata nijta uyangaraicullami chashna nirca. Jesusca, imata rurana cashcataca Paillataj yacharcami.

Juan 6:6 Iomraidhean Croise

GÉNESIS 22:1

Tucui chaicuna q'uipami Taita Diosca Abrahamtaca pai ima shina crij cashcata ricungapaj: –Abraham– nishpa cayajpi paica: –Caipimi cani– nirca.

2 CRÓNICAS 32:31

Ezequiasca, allillachu cangui nichunpish, Judá llajtapi ima shina chashna yuyana allicunata rurashcata tapushpa yachaj chayachunpishmi, Babiloniamantaca maijan huillajcunata cacharca. Taita Diosca Ezequiastaca tucuipi ayudashca cashpapish, ima shina yuyaj cashcata ricungapajmi, chaicuna shamujpica paillata saquirca.

2 Corintios 13:5

Crijtaj cashcataca cancunallataj alli ricurichigari. ¿Ima shina cashcataca cancunallataj ricurichigari? ¿Manachu cancunallataj rijsiri tucunguichij? Jesucristo cancunapi cashcata mana yachashpaca, mana alli crijcunami ricuringuichij.

DEUTERONOMIO 13:3

Diosmanta huillajmi cani nij huillashcatapish mana cashpaca muscuipi ricushcatami huillani nijtaca amataj uyanguichijchu. Cancunapaj tucui shunguhuan, tucui almahuan Mandaj Dios cancunapaj Taita Diosta c'uyaj cashcata mana c'uyaj cashcata yachangapajmi Mandaj Dios cancunapaj Taita Diosca chaicuna chashna rurachunca saquinga.

DEUTERONOMIO 33:8

Levita alli cashca canguichijman nishpaca cashnami nirca: “Mandaj Dioslla Tumimpish quiquinpajmi, Urimpish quiquinpajmi. Chaitaca can yuyailla causaj Levipaj maquipimi churarcangui. Pai ima shina cajtaca Masahpimi ricurcangui. Meriba yacupimi achcata rimanacurcangui.

DEUTERONOMIO 8:16

cancunapaj ñaupa yayacuna mana rijsishca maná shuti micunata carashpa pushamuj Taita Diosta ñataj cungaringuichijman. Paimi cancunataca llaquichishpa, cancuna ima shina cashcata ricushpa q'uipa punllacunapi allicunata cungapaj pushamurca.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.