Juan 6:45 - Dios Rimashca Shimicunami

⁴⁵ Profetacunata Quillcachishcapica: “Taita Diosmi tucuicunata yachachinga” ninmi. Chashna nishca shinallatajmi ñuca Yayata uyashpa, pai yachachishcata yachajcunaca tucuicuna ñucata cringacuna.

Mushuj Testamento Diospaj Shimi

⁴⁵ Dios ima nishcata huillajcuna Quillcashcallapitajmi: “Tucuicunatami Diosca yachachinga” nicun. Paicuna nishca shinaca, pipish Yayata uyashpa, Paimanta yachajcunallami ñucapajmanca shamun.

Juan 6:45 Iomraidhean Croise

ISAÍAS 2:3

Achca llajtacuna shamushpami cashna ningacuna: “Shamuichij, Mandaj Diospaj urcuman huichiyashunchij. Jacobpaj Diospaj huasiman jacuchij. Paimi paipaj ñancunapi purinata yachachinga. Paipaj ñancunallapimi purishun. Mandaj Diospaj Mandashcaca Sionmantami llujshinga. Mandaj Diospaj shimica Jerusalenmantami llujshinga”.

ISAÍAS 54:13

Cambaj huahuacunaca tucuicuna Mandaj Dios yachachishcami canga. Cambaj huahuacunapaj sumaj causaica ashtahuanmi miraringa.

MIQUEAS 4:2

Achca llajtacunamanta tandanacushpami cashna ningacuna: “Mandaj Dios causacun urcuman huichiyashunchij. Jacobpaj Diospaj huasiman yaicushunchij. Chaipica alli ñanta purinatami yachachinga. Chashna yachachijpica, alli ñanpimi purishun” ningacunami. Sionmantaca mandashcacunami llujshinga. Jerusalenmantaca Mandaj Dios huillashca shimicunami llujshinga.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Marcos 1:2

Profeta Isaías quillcashcapi nishca shinallatajmi: “Ñuca huillajtami canta ñaupachishpa cachani. Paimi can purina ñantaca ñaupashpa allichinga.

Lucas 1:70

Callarimanta pachami paipaj jucha illaj profetacunaman caitaca huillachishca:

Lucas 18:31

Chai q'uipami Jesusca, chunga ishqui yachacujcunallata pushashpa cashna nirca: –Cunanca Jerusalenmanmi rigrinchij. Chaipica Runa Aichayuj imalla tucuna cashcata profetacuna quillcashcami tucui pajtanga.

Juan 10:27

Ñuca ovejacunaca ñuca rimaitaca rijsinmi. Ñucapish paicunataca rijsinimi. Paicunaca ñucata catinllacunami.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Juan 6:65

Chaita yachashpami cashna nirca: –Cancunamanca ñuca Yaya crina yuyaita mana cujpica, pipish ñucapajmanca mana shamui tucunchu nircani– nircami.

Hechos 13:40

Chaimanta alli yuyarichij, profetacunata Taita Dios Quillcachishcapi nishcacunaca, ñataj cancunapaj jahua canman. Chaipica cashnami nin:

Hechos 7:42

Chaimi Taita Diosca paicunamanta anchushpa jahua pacha luzerocunata adorachun saquirca. Profetacunata Taita Dios Quillcachishcapi nishca shinami tucurca: “Israelcuna chuscu chunga huatacunatami shitashca pambapi carcanguichij. ¿Chaipica ñucamanchari animalcunata huañuchishpaca curcanguichij?

Efesios 1:17

ñucanchijta Mandaj Jesucristopaj sumaj Yaya Diosca, yachaisapa cana yuyaiyujta rurashpa, paimanta ashtahuan alli yachajta rurachun mañacuni.

Filipenses 3:15

Ñaqui cashcata rurajcunami canchij ninchij, shinashpaca chai shinallataj yuyashunchij. Cancuna shujtaj shina yuyajpipish, chaitaca Diosmi ricuchinga.

1 Tesalonicenses 4:9

Taita Dios yachachijpimi cancunallataj caishuj chaishuj c'uyanacunataca yacharcanguichij. Chaimi cancunamanca, huauquicunapura c'uyanacunami canguichij nishpaca mana quillcani.

Hebreos 10:16

“Chai punllacuna q'uipaca, paicunaman cusha nishpa ari nishcaca cashnami canga: Ñuca mandashcacunataca, paicunapaj shungucunapimi churasha. Paicunapaj yuyaicunapimi quillcasha” ninmi Jatun Diosca.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.