Juan 6:44 - Dios Rimashca Shimicunami

⁴⁴ Ñucata cachaj Yaya mana pushamujpica, ñucapajmanca pi mana shamui tucunchu. Paicunataca tucuri punllapica causachishami.

Mushuj Testamento Diospaj Shimi

⁴⁴ Ñucata cachaj Yaya pushamujllapimi, maijanpish Ñucapajmanca shamui tucun. Ñucapajman shamujtaca, tucuri punllapimi Ñucallataj causachisha.

Juan 6:44 Iomraidhean Croise

CANTARES 1:4

Ñucata pushahuayari, canhuan rishun ninchijca. Jatun mandajmi paipaj huasicunaman yaicuchirca, canhuanmari cushicushun. Cambaj c'uyaitaca vinotapish yalli cashcatami yuyarishun. Cantaca c'uyana cashcamantatajmi c'uyancuna.

JEREMÍAS 13:23

Etiopía llajta runaca, mana yuraj aicha tucui tucunchu. Leopardopish, muru millmataca mana shujtajyachi tucunchu. Chai shinamari cancunapish, millaita ruranapi aichayashcamantaca, manataj ima allita ruranaman tigrari tucunguichij.

JEREMÍAS 31:3

Mandaj Diosca achca huatacuna sirijpirajmi, ñucaman ricurishpa cashna nirca: “Ñucaca can israelcunataca huiñaita mana tucurij c'uyaihuanmi c'uyani. Chaimanta cancunataca llaquicunillami.

OSEAS 11:4

Ñucaca paicunataca c'uyaihuanmi huascahuan huataj shina pushamurcani. Ñucaca paicunapaj cungamanta yugota anchuchijmi cani. Micunatapish paicunapaj ñaupajpimi churarcani.

Mateo 12:34

¡Culebrapaj huahua huahuacuna! Cancunallataj millai cashpaca ¿ima shinataj allitaca rimai tucunguichigari? Shungupi junda tiyashcatami shimica riman.

Mateo 16:17

Shina nijpi Jesusca: –Jonaspaj churi Simón, chaitaca mana aichayuj, yahuaryuj runachu ricuchishca, ashtahuanpish jahua pachapi caj ñuca Yayami ricuchishca. Chaimanta cushichishcami cangui.

Juan 12:32

Ñucaca allpamanta jahuaman huarcushca cashpami, tucuicunata ñucapajman pushamusha– nircami.

Juan 5:44

Caishuj chaishuj alli nishca canallatami cancunaca munanguichij. Shujlla Taita Dios alli nishca canataca mana munanguichijchu. Chashna yuyashpaca ¿ima shinataj ñucataca cri tucunguichigari?

Juan 6:43

Chaimi Jesusca: –Huashalla parlanacunataca ña saquichij.

Juan 6:45

Profetacunata Quillcachishcapica: “Taita Diosmi tucuicunata yachachinga” ninmi. Chashna nishca shinallatajmi ñuca Yayata uyashpa, pai yachachishcata yachajcunaca tucuicuna ñucata cringacuna.

Juan 6:65

Chaita yachashpami cashna nirca: –Cancunamanca ñuca Yaya crina yuyaita mana cujpica, pipish ñucapajmanca mana shamui tucunchu nircani– nircami.

Juan 8:43

¿Ima nishpataj ñuca yachachishcataca mana entendinguichigari? Cancunallataj mana uyasha nishcamantami mana entendinguichij.

Filipenses 1:29

Cancunamanca Cristota crinallataca mana curcachu. Ashtahuanpish paimanta llaquita apanatapishmi curca.

Colosenses 2:12

Cancunaca Cristopaj bautizmopimi, paihuan pambashca carcanguichij. Huañushcacunapaj chaupimanta Diospaj poderhuan causachishcata crishcamantami, paihuan causarircanguichij.