Juan 6:40 - Dios Rimashca Shimicunami

⁴⁰ Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

Mushuj Testamento Diospaj Shimi

⁴⁰ Ñucata Cachajca, pipish Churita ricushpa crijca, huiñai causaita charichunmi munan. Tucuri punllapica, Ñucami paicunataca causachisha— nircami.

Juan 6:40 Iomraidhean Croise

ISAÍAS 52:10

Mandaj Diosca tucui llajtacunapaj ñaupajpimi paipaj jucha illaj rigra camizata huichiman pillushca. Ñucanchij Taita Dios quishpichishcataca tucui cai pachapi tiyaj llajtacunapi causajcunami ricungacuna.

ISAÍAS 53:2

Chaquishca allpapi yura sapimanta retoñaj shinami paipaj ñaupajpica huiñanga. Paica alli ñahui mana cangachu. Paica sumaj ricunanqui ñahuica mana canchu. Ñucanchij catingapaj munana ñahuillatapish mana charircachu.

NÚMEROS 21:9

Shina nijpi Moisesca bronce culebrata rurashpami, banderata churana caspi puntapi churarca. Culebra maijanta canijpica, bronce culebrata ricushpami mana huañurca.

Mateo 10:15

Mana chasquisha nij pueblocunapajca, imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga.

Mateo 25:46

Chashnacunaca, huiñaipaj llaquimanmi ringacuna. Shinallataj cashcata rurajcunaca, huiñai causaimanmi ringacuna– nircami.

Marcos 16:16

Alli huillaita maijanpish crishpa bautizarijtaca quishpichishcami canga. Ashtahuanpish mana crijtaca, jatun llaquiman cachashcami canga.

Lucas 2:30

Quiquin cushca Quishpichijtaca, ñuca ñahuihuantajmi ricuni.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 10:28

Ñucaca paicunamanca huiñai causaitami cuni, manataj chingaringacunachu. Ñuca maquimantaca, pi mana quichungachu.

Juan 11:24

Chashna nijpi Martaca: –Huañushcacuna causarina punllapi paipish causarina cashcataca yachanimi– nijpimi,

Juan 11:25

Jesusca: –Ñucami causachijpish, causaiyujpish cani. Maijanpish ñucata crijca, huañushca cashpapish causaringami.

Juan 12:45

Pipish ñucata ricujca, ñucata cachajtapishmi ricun.

Juan 12:50

Pai mandashcaca, huiñai causaipaj cashcataca yachanimi. Chaimi ñuca rimashpaca, ñuca Yaya ñucata mandashca shinallataj rimani” nircami.

Juan 14:17

Chai Espirituca imatapish chaitataj yachachijmi. Chai Espiritutaca cai pachapaj cajcunaca mana ricushcamanta, mana rijsishcamanta mana chasqui tucunchu. Ashtahuanpish cancunaca paitaca cancunapi causashcamanta rijsinguichijmi. Paica cancunapica causacungallami.

Juan 14:19

Cai pachapaj cajcunaca ashacamallami ñucataca ricungacuna. Chai q'uipaca ña mana ashtahuan ricungacunachu. Cancunaca ñucataca ricunguichijmi. Ñuca causacushcamanta, cancunapish causacunguichijllami.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 3:36

Maijanpish Churita crijca, huiñai causaitami charin. Ashtahuanpish Churita mana crijca, huiñai causaitaca mana charinchu. Taita Diosca paitaca p'iñacunllami.

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Juan 5:24

Pipish ñuca shimita uyashpa, ñucata cachaj Yayata crijca huiñai causaitami charin. Huañushca cashpapish huiñai causaiman ch'imbashca cashcamanta jatun llaquimanca manataj ringachu. Chaica chashnatajmi.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Juan 6:39

Ñucata cachaj Yayaca, pai agllashpa cushcacunataca shujllatapish chingachichunca mana munanchu. Ashtahuanpish shamuj punllapi causachichunmi munan.

Juan 6:44

Ñucata cachaj Yaya mana pushamujpica, ñucapajmanca pi mana shamui tucunchu. Paicunataca tucuri punllapica causachishami.

Juan 6:54

Maijanpish ñuca aichata micujca, ñuca yahuarta ubyajca, huiñai causaitami charin. Paicunataca tucuri punllapica causachishami.

Juan 8:56

Cancunapaj ñaupa yaya Abrahamca, ñuca shamuna punllata ricuna cashcamanta cushicurcami. Ricushpacarin, ashtahuanmi cushicurca– nijpimi,

Romanos 5:21

Ima shinami juchaca huañuiman apangapaj mandacurca, chai shinallatajmi ñucanchij Mandaj Jesucristomantaca, mana c'uyaipajta c'uyaipish justificashcacunataca huiñai causaita cushpa huiñaipaj mandanga.

Romanos 6:23

Juchaca huañuitami cun. Ashtahuanpish Taita Dios c'uyashpalla cushcaca, ñucanchij Mandaj Cristo Jesuspi huiñai causaimi.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

Hebreos 11:1

Crinaca, imata japisha nicushcata japinataj cashca yuyailla shuyanami. Manapish ricushcata chai shinataj cana cashcata crinami.

Hebreos 11:27

Crishcamantami Moisesca, jatun mandaj p'iñarinatapish mana manchashpa, Egiptomantaca llujshishpa rirca. Paica mana ricuipaj Diostaca ricucuj shina cashpami, chashna sinchi carca.

1 Pedro 1:8

Cancunaca mana ricushpapish, Jesucristotaca c'uyanguichijmi. Cunan mana ricushpapish paipi crishcamantami, mana huillai tucuipaj jatun sumaj cushicuihuan cancunaca cushicucunguichij.

1 Juan 2:25

Ñucanchijman pai cusha nishcaca huiñai causaimi.

Judas 1:21

Ñucanchijta Mandaj Jesucristo c'uyashpa cushca huiñai causaita shuyacushcataca pai cungacama Taita Diospaj c'uyaipi catiraichij.