Juan 6:39 - Dios Rimashca Shimicunami

³⁹ Ñucata cachaj Yayaca, pai agllashpa cushcacunataca shujllatapish chingachichunca mana munanchu. Ashtahuanpish shamuj punllapi causachichunmi munan.

Mushuj Testamento Diospaj Shimi

³⁹ Ñucata cachaj Yayaca, Ñucaman cushcacunata shujllatapish mana chingachishpa, shamuj punllapica tucuicunata causachichunmi munan.

Juan 6:39 Iomraidhean Croise

JEREMÍAS 23:4

Paicunata ima ama manchachichun, shujllapish ama chingarichunca alli michijcunatami churasha. Ima manchai illajllami causangacuna” ninmi Mandaj Diosca.

Mateo 10:15

Mana chasquisha nij pueblocunapajca, imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga.

Mateo 18:14

Chashnallatajmi jahua pachapi caj cancunapaj Yayapish, cai uchillacunamanta shujllapish chingarichunca manataj munan.

Lucas 12:32

Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun.

Juan 12:48

Pipish ñucata p'iñashpa mana ricunachishpa, ñuca rimashcacunata mana chasquijca, pai ima shina cashcata ricuchijtami charin. Cai ñuca huillashca Shimimi, tucuri punllapica pai ima shina cashcataca ricuchinga.

Juan 17:12

Paicunahuan cai pachapi cashpaca, quiquin ñucaman cushcacunataca quiquinpaj maquipimi huaquichircani. Paicunaca shujllapish mana chingarircachu. Quillcachishcapi nishca pajtachunmi, chai chingarina cashca runalla chingarirca.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

Juan 17:6

Cai pachapi causajcunamanta agllashpa ñucaman cushcacunamanca quiquin ima shina cashcatami huillarcani. Paicunaca quiquinpajmi carca. Quiquinpaj Shimitapish cazurcacunami.

Juan 17:9

Ñucaca paicunamantami mañacuni. Cai pachapaj cajcunamantaca mana mañanichu. Ashtahuanpish quiquin ñucaman cushcacunaca, quiquinpaj cajpimi paicunamanta mañacuni.

Juan 18:9

“Ñuca Yaya ñucaman cushcacunataca, shujllatapish mana chingachircanichu” nishpa ñaupaman nishca pajtachunmi, chashnaca nirca.

Juan 5:28

Chashna nishcamanta ama mancharichijchu. Tucui pambashcacuna Runa Aichayuj rimashcata uyana chayamucunmi.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Juan 6:40

Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

Juan 6:44

Ñucata cachaj Yaya mana pushamujpica, ñucapajmanca pi mana shamui tucunchu. Paicunataca tucuri punllapica causachishami.

Juan 6:54

Maijanpish ñuca aichata micujca, ñuca yahuarta ubyajca, huiñai causaitami charin. Paicunataca tucuri punllapica causachishami.

Romanos 8:11

Huañushcacunapaj chaupimanta Jesusta causachij Diospaj Espiritumi cancunapi causacun. Cristo Jesusta huañushcacunapaj chaupimanta causachij Diosllatajmi, cancunapi caj paipaj Espirituhuan, cancunapaj huañushca cuerpocunatapish causachinga.

1 Corintios 6:14

Mandaj Jesusta causachij Taita Diosmi, paipaj poderhuan ñucanchijtapish causachinga.

2 Timoteo 2:19

Ashtahuanpish Taita Dios sinchita callarichishpa sellashcacunaca mana cuyuchipaj sinchimari: “Mandaj Jesusca paipaj cajcunataca rijsinmi”. Chashnallataj, “Maijanpish Cristopaj shutita huillajcunaca tucui millaimanta anchurichun” ninmi.

Santiago 5:15

Tucui shunguhuan crishpa mañajpica, Mandaj Jesusca chai ungushcataca alliyachishpa jatarichingami. Pai juchallishca cajpipish perdonangami.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.

Judas 1:1

Jesucristopajta ruraj Judas, Jacobopaj huauquimi cani. Dios Yaya cayashpa, jucha illajta rurashpa agllashcacunamanmi quillcani: Cancunataca Jesucristomi huaquichicun.

1 SAMUEL 25:29

Maijan canta catirashpa llaquichingapaj jatarishpa huañuchinata yuyacujpipish, ñuca amo cantaca Mandaj Diospaj ñaupajpi causajcunahuan tandachishpami tucui cambaj causaipi cuidanga. Canta p'iñajcunapaj causaitaca rumita huaracapi churashpa shitaj shinami Mandaj Diosca chingachinga.