Juan 6:32 - Dios Rimashca Shimicunami

³² Chaimi Jesusca: –Moisesca mana jahua pachamanta tandatachu curca. Ashtahuanpish ñuca Yayamari cancunamanca jahua pachamantataj caj tandata cun. Chaica chashnatajmi.

Mushuj Testamento Diospaj Shimi

³² Chashna nijpi, Jesusca cashnami nirca: —Mana Moiseschu jahua pachamanta tandata cararca. Ñuca Yayamari cunanpish cancunamanca, jahua pacha Tandatataj caracun. Chaica chashnatajmari.

Juan 6:32 Iomraidhean Croise

SALMOS 78:23

Shina cajpipish, p'uyutami jahuamanta cacharca. Jahua pacha pungucunatami pascarca.

ÉXODO 16:4

Chaipimi Mandaj Diosca Moisestaca: –Ñucaca jahua pacha tandatami tamyachigrini. Chai micunataca tucuicuna quiquin micuna pajtallata punllanta tandanaman llujshichuncuna. Ñuca imallata rurachun mandashcata cazujta, mana cazujtami ricusha nini.

ÉXODO 16:8

Moisesca cashnapishmi nirca: –Mandaj Diosca chishicunataca, aichatami cancuna micuchun cugrin. Tutamantacunataca, mana nijta micuchunmi tandata cugrin. Mandaj Diosca cancuna paita juchachishpa rimashcatami uyashca. Cancunaca mana ñucanchijtachu juchachishpa rimashcanguichij. Ashtahuanpish Mandaj Diostamari juchachishpa rimashcanguichij. Shina cajpica ñucanchijca ¿imapish mana canchijchu?– nircami.

Juan 1:9

Tucui gentecunata achijyachijtaj luzca, cai pachapica ñami ricurigrirca.

Juan 15:1

Ñucaca uva yuratajmi cani, ñuca Yayaca chagrayujmi.

Juan 6:31

Ñucanchij ñaupa yayacunaca shitashca pambapica, maná tandatami micushcacuna. Chaitaca Quillcachishcapica: “Jahua pachamanta caj tandatami cararca” ninmi– nircacunami.

Juan 6:33

Taita Dios cushca tandatajca, jahua pachamantami shamun. Paimi cai pachapi causajcunamanca causaita cun– nijpimi,

Juan 6:35

Chaimi Jesusca: –Causaita cuj tandaca ñucami cani. Pipish ñucapajman shamushpa crijca manataj yaricachingachu, manataj yacunachingachu.

Juan 6:41

Jesustaca: “Jahua pachamanta shamushca tandami cani” nishcamantami judiocunaca huashalla rimashpa,

Juan 6:50

Cai tandaca jahua pachamanta shamushcami. Maijanpish chai tandata micujca mana huañungachu.

Juan 6:55

Ñuca aichami micunatajca, ñuca yahuarmi ubyanatajca.

Juan 6:58

Cai tandaca jahua pachamanta shamushcami. Cancunapaj ñaupa yayacuna micushca maná shuti tanda shinallaca mana canchu. Paicunaca chaita micushpapish huañurcallacunami. Cai tandata micujca, huiñaitami causanga– nircami.

Gálatas 4:4

Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.