Juan 6:30 - Dios Rimashca Shimicunami

³⁰ Shina nijpica cashnami nircacuna: –Ñucanchij canta cringapajca ¿ima milagrota ruraiyari? Chaita ricushpa cringapaj.

Mushuj Testamento Diospaj Shimi

³⁰ Chashna nijpi paicunaca, cashnami nircacuna: —Can rurashcacunata ricushpa ñucanchij Canta crichunca, ¿ima señaltataj rurashpa ricuchigringui? Imallatapish ashtahuan ruranarajmi cangui.

Juan 6:30 Iomraidhean Croise

1 REYES 13:3

Chai punllallatajmi, chai huillaj runaca pai huillacushca chashnataj tucuna cashcata ricuchingapajca: “Mandaj Diostaj rimashcata yachachunca cashnami ricuchigrini: Cai altarca p'aquirigrinmi. Chai jahuapi caj ushpapish, jicharigrinmi” nircami.

1 REYES 13:5

Diospaj runa Mandaj Dios huillachijpi nishca shinallatajmi chai altar p'aquirijpi, altarpi caj ushpapish jicharirca.

ÉXODO 4:8

Punta señalta ricushpa mana crishpa mana cazushpapish, q'uipa señalta ricushpaca cringacunami.

ÉXODO 7:9

–Faraón: Shuj milagrota rurashpa ricuchi nijpica, Aarontaca: Culebra tucuchun cambaj caspita japishpa faraonpaj ñaupajpi shitai ningui– nircami.

ISAÍAS 5:19

Paicunaca: ¡Shamuilla can rurasha nicushcataca rurailla ña ricungapaj nincunami! C'uchuyamuilla, shamuilla Israelcunapaj jucha illaj Dios quiquin rurasha nicushcataca utca rurailla. Ima shina rimashcata ña yachangapaj nincunami.

Marcos 15:32

¡Israelcunapaj jatun Mandaj Cristo cashpaca, ñucanchij ricushpa cringapaj, cruzmanta cunanllataj uriyachun!– nircacunami. Jesushuan chacatashcacunapish c'amircacunami.

Marcos 8:11

Fariseocuna shamushpaca, Jesús imapi pandarijpica juchachingapaj nishpami, jahua pachamanta cashpaca milagrota rurashpa ricuchi nishpa Jesushuan rimanacui callarircacuna.

Juan 10:38

Ñuca Yaya rurashca shinallatajmi ruracuni. Chashna cajpica ¿ima nishpataj mana cringuichij? ñucata mana crishpapish, chai ñuca rurashcacunata ricushpallapish crichigari. Chashna crishpami Yayaca ñucahuan, ñucaca Yayahuan shujlla cashcataca yachanguichij– nircami.

Juan 12:37

Jesusca judiocunapaj ñaupajpi, pi mana rurai tucuipajta achcata rurajpipish paitaca mana crircacunachu.

Juan 2:18

Jesús chashna rurajpimi judiocunaca: –Canca ¿ima cani nishpataj chashnaca rurangui? Shinashpaca ima milagrota rurashpa ricuchiyari– nijpi,

Juan 4:8

(Paipaj yachacujcunaca, Sicar pueblopi micunata randinamanmi rishcacuna carca).

Juan 6:14

Chai runacunaca, pi mana rurai tucuipajta Jesús rurajta ricushpami: –Caica cai pachaman shamuna cashca Profetatajmari– nircacuna.

Juan 6:2

Pi mana alliyachipaj unguihuan cajcunata Jesús alliyachijta ricushcamantami achcacuna paita catishpa rircacuna.

Juan 6:36

Ña nishca shinallataj ñucata ricushpapish, mana cringuichijchu.

Hechos 4:30

Quiquinca tucuita rurai tucuj cashcahuan ñucanchijtaca ungushcacunata alliyachijcunata, ricuchinacunata rurajcunata, pi mana ruraipajta rurajcunata cambaj Churi Jesushuan rurahuai” nishpami mañarcacuna.

1 Corintios 1:22

Judiocunaca ricuchinacunata ricuchichunmi mañancuna, griegocunaca yachaitami mashcancuna.

Hebreos 2:4

Diosca señalcunata, pi mana ruraipajcunata, ch'ican ch'ican milagrocunata paicunata rurachishpami chai huillashcacuna chashnataj cashcataca ricuchirca. Pai munashca shina paipaj Jucha illaj Espirituta cushpami chaicunataca chashna rurachirca.