Juan 6:14 - Dios Rimashca Shimicunami

¹⁴ Chai runacunaca, pi mana rurai tucuipajta Jesús rurajta ricushpami: –Caica cai pachaman shamuna cashca Profetatajmari– nircacuna.

Mushuj Testamento Diospaj Shimi

¹⁴ Jesús chai señalta rurajta ricushpami, chai runacunaca: «Dios ima nishcata cai huillajca, cai pachaman shamuna cashca huillajtajmari» ninacurca.

Juan 6:14 Iomraidhean Croise

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

Mateo 11:3

Jesusta tapunaman cacharca. Paicunataca: –¿Canchu chai shamuna cashcaca cangui, mana cashpaca shujtajtachu shuyana canchij?– nichunmi cacharca.

Mateo 21:11

tapunacucujpimi: –Caica, Galileapi caj Nazaretmanta profeta Jesusmi– nircacuna.

Lucas 24:19

Jesusca: –¿Imataj tucushca?– nishpa tapujpi, paicunaca: –Nazaretmanta caj Jesusmantami parlanacucunchij. Paica Taita Diospaj ñaupajpipish, gentecunapaj ñaupajpipish allita ruraj, allita rimaj, tucuita rurai tucuj profetami carca.

Lucas 7:16

Chaita ricushpaca tucuicuna yallitaj mancharinacushpa Taita Diosta sumajmari cangui nishpaca: “Ñucanchijpurapica, shuj jatun profetami ricurishca. Taita Diosmari paipaj cajcunata ricuj shamushca” nircacuna.

Juan 1:21

Shina nijpi: –Shinashpaca ¿pitaj canguiyari? ¿Eliaschu cangui?– nijpi: –Chaipish mana canichu– nirca. Shina nijpi: –Shinashpaca ¿profetachu cangui?– nijpipish: –Mana– nircami.

Juan 11:27

Chaimi Martaca: –Ari, Mandaj Jesús. Ñucaca cantaca Cristo, cai pachaman shamuna cashca Taita Diospaj Churi cashcatami crini– nirca.

Juan 2:11

Jesusca Galileapi caj Caná pueblopimi, milagrota ruranataca callarirca. Paica tucuita rurai tucuj cashcata chaipi ricuchijpimi, paipaj yachacujcunaca paita crircacuna.

Juan 4:19

Chaimi chai huarmica: –Amito, canca Taita Dios huillachishcata huillajmi yuyachingui.

Juan 4:25

Chaimi chai huarmica: –Cristo nishca Mesías shamuna cashcataca yachanimi. Pai shamushpami ima shina cashcata tucuita alli huillanga– nirca.

Juan 4:42

chai huarmitaca: –Can huillashcallamantaca mana crinchijchu. Ñucanchijtaj pai huillashcata uyashpami crinchij. Paica cai pachata Quishpichij Cristotaj cashcatami cunantajca ña yachanchij– nircacunami.

Juan 6:2

Pi mana alliyachipaj unguihuan cajcunata Jesús alliyachijta ricushcamantami achcacuna paita catishpa rircacuna.

Juan 6:26

Jesusca: –Pi mana rurai tucuipajta ñuca rurajta ricushcamantaca, mana mashcanguichijchu. Ashtahuanpish tandata mana nijta micushcallamantami mashcacunguichij. Chaica chashnatajmi.

Juan 6:30

Shina nijpica cashnami nircacuna: –Ñucanchij canta cringapajca ¿ima milagrota ruraiyari? Chaita ricushpa cringapaj.

Juan 7:40

Chaipi caj achcacuna Jesús huillashcata uyashpaca maijancunaca: “Caitajca Taita Dios cachasha nishca profetatajmari” nircacunami.

Hechos 7:37

Chai Moisesmi israelcunataca: “Cancunata Mandaj Taita Diosca ñucata cachashca shinallatajmi, cancunapuramanta shuj profetata cachanga. Pai ima nishcata cazunguichij” nircami.