Juan 6:11 - Dios Rimashca Shimicunami

¹¹ Jesusca chai tandata japishpa Taita Diosta pagui nishpaca, yachacujcunamanmi chaupishpa chaupishpa curca. Paicunaca, tucui chaipi cajcunamanmi cararcacuna. Chashnallatajmi chalhuatapish chaupishpa chaupishpa curca. Mana nijtami cararcacuna.

Mushuj Testamento Diospaj Shimi

¹¹ Jesusca chai tandata japishpa, Diosta pagui nishpaca, yachacujcunamanmi chaupishpa curca. Yachacujcunaca, tucui chaipi samaricujcunamanmi raquircacuna. Chalhuatapish chashnallatajmi, chailla nijta cararcacuna.

Juan 6:11 Iomraidhean Croise

Mateo 15:36

Chai canchis tandata, chalhuacunatapish japishpaca, Diosta pagui nishpami chaupishpa paipaj yachacujcunaman curca. Yachacujcunaca tucui chaipi cajcunamanmi cararcacuna.

Lucas 24:30

Micungapaj ña tiyarishpaca, tandata japishpa Taita Diosta pagui nishpami, chaupishpa paicunaman curca.

Juan 21:10

Jesusca paicunataca: –Cunan cancuna japimushca asha chalhuacunata apamuichij– nircami.

Juan 21:13

Jesús c'uchuyashpaca, tandata japishpami paicunaman curca. Shinallatajmi chalhuatapish curca.

Juan 21:9

Barcomanta allpaman uriyashpaca, nina jahuapi shuj chalhua cusaricujta, tandatapishmi ricurcacuna.

Juan 6:23

Ashtahuanpish maipimi Mandaj Jesús Taita Diosta pagui nishpa tandata cararca chai cuchullamanmi Tiberias pueblomanta shujtaj barcocuna chayamushca carca.

Juan 6:9

–Caipi shuj huambrami pichca cebada tandata, ishqui chalhuandij charicun. Chaillaca cai tucuicunapajca ¿imataj pajtangari?– nijpimi,

Hechos 27:35

Chashna nishpaca Pabloca tandata japishpa tucuicunapaj ñaupajpi Taita Diosta pagui nishpami tandata chaupishpa micui callarirca.

Romanos 14:6

Shuj punllallami caishuj punllacunamanta yalli alli nijca, Mandaj Jesuspajmi chashnaca yuyan. Maijanpish ima punllatapish chai shinallatajmi nijpish, Mandaj Jesuspajllatajmi chashna nin. Tucui imatapish micujca, Taita Diosta pagui nishpa micushcamanta, Mandaj Jesuspaj allipajmi micun. Mana tucuita micujpish, Taita Diosta pagui nishcamantaca, Mandaj Jesuspajllatajmi mana tucuita micun.

1 Corintios 10:31

Micushpapish, ubyashpapish, tucui imata rurashpapish, Diosta jatunyachingapaj ruraichij.

1 Tesalonicenses 5:18

Cristo Jesushuan shujlla cajcunataca, tucui imapipish paita pagui nijcuna cachunmi Taita Diosca munan.

1 SAMUEL 9:13

Puebloman ña yaicushpaca, lomapi tiyaj altarpi micunaman manaraj rijpi utca mashcanguichij. Chai lomapi cajcunaca pai chayangacama manaraj micungacunachu. Pai chaiman chayashpa, Diosman cushcata Diospajlla cachun nijpimi chaiman cayashcacunaca micungacuna. Chaimanta cunantaj utca huichiyashpaca japinguichijmi– nijpimi,