Juan 5:44 - Dios Rimashca Shimicunami

⁴⁴ Caishuj chaishuj alli nishca canallatami cancunaca munanguichij. Shujlla Taita Dios alli nishca canataca mana munanguichijchu. Chashna yuyashpaca ¿ima shinataj ñucataca cri tucunguichigari?

Mushuj Testamento Diospaj Shimi

⁴⁴ Ñucata crijpi Shujlla Taita Dios alli nichunca, manamari mashcanguichijchu. Cancunapurallataj caishuj chaishuj alli nishca canallata mashcacushpaca, ¿ima shinataj Ñucataca cringuichijpish?

Juan 5:44 Iomraidhean Croise

2 CRÓNICAS 6:8

Chashna cajpipish, Mandaj Diosllatajmi ñuca yaya Davidtaca: Canca cambaj shungupica ñuca shutipi huasita shayachinatami yuyashcangui. Cambaj shungupi chaita yuyashpaca, allitamari yuyashcangui.

JEREMÍAS 13:23

Etiopía llajta runaca, mana yuraj aicha tucui tucunchu. Leopardopish, muru millmataca mana shujtajyachi tucunchu. Chai shinamari cancunapish, millaita ruranapi aichayashcamantaca, manataj ima allita ruranaman tigrari tucunguichij.

Mateo 23:5

Paicunaca tucui imata rurashpapish, gentecuna ricuchunllami rurancuna. Paicunaca Dios mandashca maijan shimicunata quillcashcata frentepipish, maquipipish tucuicuna ricuchun huatarishpa purinatami munancuna. Churanatapish shujtajcunata yalli suni flecosyuj churanata churashpa purinatami munancuna.

Lucas 19:17

Shina nijpi mandajca: “Allimi, alli servijmi cangui. Canca pajtachij cashpa ashallamantapish mirachishcamantaca, chunga pueblocunata mandajmi cangui” nircami.

Juan 12:43

Paicunaca Taita Dios alli nishca canapaj randica, runacuna alli nishca cangapajmi mana huillashun nircacuna.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 3:20

Millaita rurajcunaca, tucuicunami luztaca p'iñancuna. Paicuna rurashcacuna ama ricurichunmi luzmanca mana c'uchuyashun nincuna.

Juan 5:41

Runacunalla alli nichunca mana munanichu.

Juan 8:43

¿Ima nishpataj ñuca yachachishcataca mana entendinguichigari? Cancunallataj mana uyasha nishcamantami mana entendinguichij.

Romanos 2:10

Ashtahuanpish tucui allita rurajcunamanca, puntaca judiocunaman, griegocunamanpish sumaj canata, alli nishca canata, sumaj causaitapishmi cunga.

Romanos 2:29

Ashtahuanpish shungumantataj judiomi, judiotajca, circuncisiontapish shungupimi rurachishca. Chaitaca Espiritumi ruran, mana quillcashca Mandashcachu ruran. Chashna cajtaca mana runacunachu alli nin, ashtahuanpish Taita Diosmi alli nin.

Romanos 2:7

Taita Dios allicunata cuj cashcata yachashpa, chaita shuyashpa allicunata rurajman, huiñai causaita charishcamanta allita rurajtaca huiñaita paihuan causachunmi saquinga.

1 Corintios 4:5

Chashna cashcamanta manaraj punlla pajtajpica, ama imata juchachichijchu. Mandaj Jesús shamungacama shuyaichij. Paimi, amsapi pacalla cajtaca achijman llujshichishpa ricuchinga. Shinallataj shungucuna yuyashcatapishmi ricuchinga. Chaipimi Dios alli nishca canataca cada quiquin chasquinga.

2 Corintios 10:18

Paillataj allimi cani nirijca manapish alli nishcachu, ashtahuanpish Diosllamari alli nijca.

Filipenses 2:3

Imata rurashpapish mishanacushpa yanga jatun tucunapajllaca ama ruraichijchu. Chaipaj randica, ama jatun tucushpa caishujcunaca canta yalli cashcata yuyashpa, caishuj chaishuj c'uyanacuichij.

1 Tesalonicenses 2:6

Runacuna alli nishca canataca cancunamantapish, shujtajcunamantapish mana mashcarcanchijchu. Cristopaj apostolcuna cashcamantaca, japinataj cashca cashpapish mana p'iñachircanchijchu.

1 Timoteo 1:17

Chaimantami huiñaita Jatun mandaj, mana huañuj, mana ricuipaj, shujlla yachaj Diostaca, alli nishpa, huiñai huiñaita sumajyachishca cachun nini. Chashna cachun.

Hebreos 3:12

Riquichij huauquicuna, cancunapurapica millai shungu tucushpa, mana crishpa, causaj Diosmanta anchurijcunaca amataj tiyachun.

Santiago 2:1

Ñuca huauquicunalla, ñucanchij sumaj Mandaj Jesucristopi cancuna crishcaca, ñahuita ricushpalla alli ninapajca ama cachun.

1 Pedro 1:7

Cancunata crijtaj cashcata ricushcaca, sumaj curitapish ashtahuan yallimari. (Chingarijlla curitapish ninapi rupachishpami, alli cashcata mana alli cashcataca ricuna) Llaquita apashpaca, shamuj punllapi Jesucristo ricurijpica alabashca, alli nishca, sumajyachishcami canguichij.

Judas 1:25

Ñucanchijta Quishpichij, pailla tucuita yachaj Diostaca Jesucristomanta cunanpish huiñai huiñaitapish jatunmari cangui, mandajmari cangui, tucuita rurai tucujmari cangui nishca cachun. Chashna cachun.

1 SAMUEL 15:30

Saulca: –Ñucaca juchallishcanimari. Shina cajpipish, israelcunata cunaj yuyajcunapaj ñaupajpipish, tucui israelcunapaj ñaupajpipish jatun mandaj cashca shinallatataj ñucataca alli nishpa, canta Mandaj Diosta adorangapaj ñucahuan tigrashunlla– nircami.

1 SAMUEL 2:30

Chaimantami israelcunata Mandaj Diosca cashna nin: Cambaj ñaupa yayacunatapish, cambaj huasi familiatapish, ñuca ñaupajpi purichunmi churarcani. Ashtahuanpish cunanca Mandaj Diosca cashnami nin: Chaipi cachunca manataj saquishachu. Ñucata allipi churajcunallatami allipi churasha. Ñucata p'iñajcunataca yanganchishami.