Juan 5:4 - Dios Rimashca Shimicunami

⁴ Shuj angelmi yacuta cuyuchinaman huaquin huaquinllapi uriyamuj carca. Yacuta cuyuchijpi maijanpish cuchaman punta huashicujmi, ima ungüimantapish alliyaj carca.

Mushuj Testamento Diospaj Shimi

⁴ Shuj angelmi yacuta cuyuchinaman huaquin huaquinllapi uriyamuj carca. Cucha yacu cuyurijpi, maijanpish punta huashicujllami, ima ungüimantapish alliyajlla carca.

Juan 5:4 Iomraidhean Croise

2 REYES 5:10

Chaimi Eliseoca Naamanman cashna nichun cacharca: “Jordán yacuman rishpa canchis cutin armagri. Chashna armashpaca cambaj aicha alli tucujpi lepramantaca chuya tucunguillami” nichunmi paipaj huillajta cacharca.

SALMOS 119:60

Quiquin mandashcacunataca utcami pajtachircani, mana uniyarcanichu.

PROVERBIOS 6:4

Ashallatapish ama uniyashpa, ñahui quimllaillatapish amaraj dormishpa chaitaraj utca allichigri.

PROVERBIOS 8:17

Ñucata c'uyajcunataca, ñucapish c'uyanimi. Tutamantaman mashcajcunallami ñucataca japincuna.

ECLESIASTÉS 9:10

Imata ruranatapish cambaj maquipi tiyacujtaca fuerza tiyashcahuan rurailla, canpish Seolman ringuillatajmi. Chaipica imata rurana mana tiyanchu. Imata yuyanallapish, imata yachanapish, alli yachaipish mana tiyanchu.

EZEQUIEL 47:8

Chaimantaca ñucataca cashnami nirca: Cai jatun yacucunaca, inti llujshin llajtamantami callpacun. Arabá pambaman uriyashpaca, jatun cuchamanmi yaicunga, mama cucha yacuca mishqui yacumi tucunga.

OSEAS 13:13

Paicunataca huachacuj huarmipaj nanai shinami japinga. Huacharina pajtajpi mana llujshinalla tucushca juillu illaj huahua shinami cangacuna.

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

ZACARÍAS 14:8

Chai punllapica, cashnapishmi tucunga: Jerusalenmantaca, causaita cuj yacucunami llujshinga. Chai yacucunaca tamya punllacunapipish, usya punllacunapipish chaupica inti llujshin lado mama cuchaman, chaupica inti huashicun lado mama cuchamanmi ringa.

Mateo 11:12

Bautizaj Juan huillai callarishca punllamanta cunancamami, jahua pachamanta mandacunca llaquita apacun. Chai mandacunman yaicusha nijcuna ama yaicuchunmi millaicunaca chingachisha nicuncuna.

Mateo 6:33

Chaimanta cancunaca Taita Dios mandashcaraj tucuichij. Pai munashca shina causajcunaraj tucuichij. Chashna cajpica, Taita Diosca imalla illashcacunataca cancunamanca ashtahuan mirachingallami.

Lucas 13:24

–Quichqui punguta yaicunata yuyaichij. Achcacunami yaicunata yuyangacuna. Ashtahuanpish mana yaicui tucungacunachu. Chaica chashnatajmi.

Lucas 16:16

Mandashcacunata, profetacuna huillashcataca Bautizaj Juan ricurina punlla camami yachachircacuna. Chai q'uipaca Taita Dios ima shina mandagrin alli huillaitami huillarca. Chaimanca tucuicunami ima shinapish yaicushun nicuncuna.

Juan 5:3

Chai corredorcunapica achca ungushcacunami mana ricujcuna, cojocuna, mana cuyurijcunapish yacu cuyurijta shuyacurcacuna.

Juan 5:5

Chaipica, shuj runami quimsa chunga pusaj huatacunata ungushca carca.

Juan 5:7

ungushca runaca: –Amito, yacu cuyurijpi ñucata yacuman uriyachijca pi mana tiyanchu. Ñuca yaicusha ningacamaca, shujtajrajmari mishashpa yaicunlla– nirca.

1 Corintios 6:11

Cancunapish maijancunaca chashnallatajmi carcanguichij. Ashtahuanpish Mandaj Jesucristopaj shutipimi, ñucanchij Taita Diospaj Espiritumanta ña maillashcacuna, jucha illajta rurashcacuna, justificashcacuna canguichij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.