Juan 5:38 - Dios Rimashca Shimicunami

³⁸ Ñuca Yaya ñucata cachashcata mana crishcamantami, paipaj Shimicunapish cancunapaj shungupica mana saquirin.

Mushuj Testamento Diospaj Shimi

³⁸ Ñucata Pai cachashcata mana crisha nishpami, cancunapaj shungupica, Paipaj Shimicunata mana huaquichinguichij.

Juan 5:38 Iomraidhean Croise

SALMOS 119:11

Ama juchallishpa quiquinta p'iñachingapajca quiquin imalla nishcacunataca ñuca shungupimi huaquichircani.

ISAÍAS 26:10

Yallitaj millaita rurajta paita llaquishpa mana imata rurajpica, cashcata ruraj canataca mana yachangachu. Cashcata rurajcunapaj llajtapi cashpapish millaita rurangallami. Mandaj Dios jatun mandaj cashcataca mana ricungachu.

ISAÍAS 49:7

Gentecuna yanganchishca, llajtacuna millashca millai mandajcunapajta rurajtaca, Mandaj Dios Israelta quishpichij cambaj jucha illaj Diosca: “Jatun mandajcuna ricushpa, q'uipa mandajcuna jatarishpaca cantaca cambaj ñaupajpimi cungurishpa adorangacuna” ninmi. Paica canta agllaj, israelcunapaj jucha illaj tucuita pajtachij Diosmi.

Juan 1:11

Paipaj cajcunapajmanmi shamurca. Ashtahuanpish paipaj cajcunaca mana chasquircacunachu.

Juan 15:7

Cancuna ñucahuan shuj shinalla catijpica, ñuca Shimicunapish cancunahuan shuj shinallami canga. Chashna cashpa cancuna imatapish ñuca Yayata mañajpica paica cungallami.

Juan 8:37

Abrahampaj huahua huahuacuna cajtaca yachanitajmari. Shina cashpapish, ñuca yachachishcacunaca mana cancuna munashca cajpi mana chasquishpami, ñucataca ima shinapish huañuchishun nicunguichij.

Colosenses 3:16

Cancunapaj shungupica, Cristo rimashca shimicuna junda tiyachun. Tucui yachashcahuan, caishuj chaishuj yachachinacuichij animachinacuichij. Cancunaca shungumanta salmocunata, himnocunata, Diospaj cantocunata Mandaj Jesusta pagui nishpa cantaichij.

JOSUÉ 1:8

Cai libropi quillcashca tiyacuj ñuca mandashcataca tutapish punllapish rezanataca amataj saquingui. Chashna cashpa yuyaipi charishpami, imalla mandashcataca chaitataj pajtachingui. Chashna rurajpica, tucui can rurashcacunami alli llujshinga.

1 Juan 2:14

Yayacuna, callarinapaj ña tiyajta rijsijcuna cajpimi, cancunamanca quillcarcani. Q'uipa huiñaicuna, sinchi crijcuna cashpa, Diospaj Shimi nishca shina causashpa, diablota mishajcuna cajpimi cancunamanca quillcarcani.