Juan 5:37 - Dios Rimashca Shimicunami

³⁷ Ñucata cachaj Yayapish ñucamantaca huillarcami. Pai rimashcataca manataj uyashcanguichijchu. Pai ima shina cajtapish manataj ricushcanguichijchu.

Mushuj Testamento Diospaj Shimi

³⁷ Ñucata cachaj Yayaca, mana Pai quiquin cancunapaj ñahuipi ricurishpapish, mana Paitaj uyarishpapish Ñucamanta huillarcami. Ashtahuanpish cancunamari manataj uyashcanguichij.

Juan 5:37 Iomraidhean Croise

ÉXODO 20:19

Chaimi Moisestaca: –Quiquinlla Dioshuan rimashpa ñucanchijman huillai, ñucanchijca uyashunllami. Dios ñucanchijhuan rimajpica huañushunllatajmari– nircacuna.

ISAÍAS 26:10

Yallitaj millaita rurajta paita llaquishpa mana imata rurajpica, cashcata ruraj canataca mana yachangachu. Cashcata rurajcunapaj llajtapi cashpapish millaita rurangallami. Mandaj Dios jatun mandaj cashcataca mana ricungachu.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Mateo 3:17

Jahua pachamantaca: “Caimi ñuca c'uyashca Churi. Paipimi cushicuni” nishpa rimashcami uyarirca.

Marcos 1:11

Jahua pachamantaca: “Canmi ñuca c'uyashca Churi cangui. Canpimi cushicuni” nishpa rimashcami uyarirca.

Lucas 24:27

Moisés quillcashcamanta callarishpa, tucui profetacuna quillcashcacamami, Quillcachishcacunapi pai imalla tucuna cashcata huillacushcata yuyachirca.

Lucas 3:22

Jahua pachamantaca jucha illaj Espiritumi paloma shina cuerpoyuj paipaj jahuaman shamurca. Shinallataj jahua pachamantaca: “Canca ñuca c'uyashca Churimi cangui, canpimi cushicuita charini” nishpa rimashcapishmi uyarirca.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 14:9

Chaimi Jesusca: –Unitami cancunahuan carcani. Felipe ¿manarajchu ñucataca rijsingui? Pipish ñucata rijsijca, ñuca Yayatapish ñami rijsin. ¿Ima nishpataj canca: “Yayata ñucanchijman ricuchi” ningui?

Juan 15:24

Nunca pi mana rurashcata paicunapaj ñaupajpi ñuca mana rurashca cajpica, juchayuj cashcataca mana yachanmanchu carcacuna. Cunanca ashtahuanpish juchayuj cashcata ricuchishcamantami ñucatapish, ñuca Yayatapish p'iñancuna.

Juan 5:32

Shujtajmi ñucamantaca huillacun. Pai ñucamanta huillashcaca mana llullachu.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Juan 8:18

Shina cajpica ñucapish ñucallamantataj huillajmi cani. Ñucata cachaj Yayapish ñucallamantataj huillajmi– nircami.

DEUTERONOMIO 4:12

Mandaj Diosca chai nina rupacuj chaupimantami cancunata rimarca. Cancunaca pai rimashcata uyashpapish, pai ima shina cashcataca mana ricurcanguichijchu.

1 Timoteo 1:17

Chaimantami huiñaita Jatun mandaj, mana huañuj, mana ricuipaj, shujlla yachaj Diostaca, alli nishpa, huiñai huiñaita sumajyachishca cachun nini. Chashna cachun.

1 Timoteo 6:16

Pai Taita Diosca mana huañujmi. Pi mana c'uchuyaipaj luzpimi causan. Paitaca pi runacuna mana ricushcachu, mana ricui tucunchu. Tucuita rurai tucujtaca huiñaita, alli nishca cachun. Chashna cachun.

1 Juan 4:12

Diostaca manataj pi ricushcachu. Caishuj chaishuj c'uyanacushpami, Dios ñucanchijpi causacushcataca yachachij. Chashnami Diospaj c'uyai ñucanchijpi cashcataca ricuchinchij.

1 Juan 4:20

Maijanpish: “Ñucaca Diostami c'uyani” nishpapish, paipaj huauquita p'iñajca llullami. Chaimanta maijanpish ricushca huauquita mana c'uyajca ¿ima shinataj mana ricushca Diostacarin c'uyangari?

1 Juan 5:9

Gentecuna huillashcata chasquishpaca, Dios paipaj Churimanta huillashcatacarin chaitapish yallimari chasquina canchij.