Juan 5:36 - Dios Rimashca Shimicunami

³⁶ Ñuca Yaya rurai nishcatami ñucaca ruracuni. Chaita ñuca rurashcacunallatajmi Juan huillashcatapish yalli ñucataca ñuca Yaya cachashca cashcata ricuchicun.

Mushuj Testamento Diospaj Shimi

³⁶ Ñucaca, Ñuca Yaya imallata rurachun cachashcatami rurashpa ricuchini. Chai rurashcacunaca, Juan huillashcatapish yallimari, Ñucataca Ñuca Yaya cachashca cashcata ricuchicun.

Juan 5:36 Iomraidhean Croise

Mateo 11:4

Paicuna tapujpica Jesusca: –Richij, cancuna imata ricushcata, uyashcata Bautizaj Juanmanca huillagrichij.

Lucas 2:49

Chaimi Jesusca: –¿Ima nishpataj ñucataca mashcarcanguichigari? Ñuca Yayapaj huasipi imalla rurana cashcapaj cana cashcataca ¿manachu yacharcanguichij?– nirca.

Juan 10:25

Chaimi Jesusca: –Ñami cancunamanca huillarcani. Mana cringuichijca. Ñuca Yaya rurai nishcacunata ñuca rurashcacunallatajmi ñuca pi cashcataca huillacun.

Juan 11:37

Chaipi cajcunamanta maijancunaca: –Paica, ñahui mana ricujtapish alliyachircamari. Pai caipi cashpaca Lázaro ama huañuchunpish imallatapish ruranmanmi carca– nircacunami.

Juan 15:24

Nunca pi mana rurashcata paicunapaj ñaupajpi ñuca mana rurashca cajpica, juchayuj cashcataca mana yachanmanchu carcacuna. Cunanca ashtahuanpish juchayuj cashcata ricuchishcamantami ñucatapish, ñuca Yayatapish p'iñancuna.

Juan 17:4

Ñucaca cai pachapica tucui quiquin ima nishcata rurashpami quiquintaca jatunyachini.

Juan 2:23

Jesusca Pascua fiestapi Jerusalenpi cashpa achca milagrocunata rurajta ricushpami, achcacuna paita crircacuna.

Juan 3:17

Taita Diosca paipaj Churitaca, cai pachapi causajcunata jatun llaquiman cachachunca mana cacharcachu. Ashtahuanpish cai pachapi causajcunaca, paillamanta quishpirichunmi cacharca.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Juan 5:32

Shujtajmi ñucamantaca huillacun. Pai ñucamanta huillashcaca mana llullachu.

Hechos 2:22

Tucui israelcuna, cai huillashcata uyaichij: Nazaretmanta Jesustami Taita Diosca pai cachashca cashcata ricuchingapaj, pi mana ricushcata rurachirca. Shinallataj pi mana ruraipajcunatapish, mancharinacunatapishmi rurachirca. Chaitaca tucui cancunallataj yachanguichijmi.

1 Juan 5:9

Gentecuna huillashcata chasquishpaca, Dios paipaj Churimanta huillashcatacarin chaitapish yallimari chasquina canchij.