Juan 5:34 - Dios Rimashca Shimicunami

³⁴ Shujtajcuna ñuca pi cashcata huillachunca mana ninichu. Cancuna quishpirichunllami, Juan ñucamanta huillashcataca yuyachini.

Mushuj Testamento Diospaj Shimi

³⁴ Runacuna ñucamanta huillashca canman, mana nicunichu. Ashtahuanpish cancuna crishpa quishpirichunllami, pai huillashcataca yuyachini.

Juan 5:34 Iomraidhean Croise

Lucas 13:34

¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Lucas 19:10

Runa Aichayujca chingarishcacunata mashcangapaj, quishpichingapajmi shamurca– nircami.

Lucas 24:47

Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Juan 20:31

Jesustaca Quishpichij Cristo cashcata, Taita Diospaj Churi cashcatapish crishpa paimanta huiñai causaita charichunmi cai tucui quillcataca quillcashca.

Juan 5:32

Shujtajmi ñucamantaca huillacun. Pai ñucamanta huillashcaca mana llullachu.

Juan 5:41

Runacunalla alli nichunca mana munanichu.

Juan 8:54

Chaimi Jesusca: –Ñucallataj allimi cani nirijpica, ñuca allimi cani nirishcaca yangallami canman. Ñuca Yayami ñucataca alli nin. Paillatatajmi cancunapish ñucanchij Taita Diosmi nicunguichij.

Romanos 10:1

Huauquicuna, israelcuna quishpirishca canaman chayachun nishpami, ñuca shungupica chai yuyailla Diosta mañacuni.

Romanos 10:21

Ashtahuanpish israelcunamantaca: “Ñucata mana cazushpa c'ariyajcuna cajpipish, punllantami maquita chutashpa cayacurcanilla” ninmi.

Romanos 12:21

Millai mishashca ama caichu, ashtahuanpish millaitaca allihuan mishai.

Romanos 3:3

Maijan paicuna mana crijpica ¿imashi tucunga? Pai mana crishcallahuanca ¿Taita Dios pajtachij cashcataca anchuchingachu?

1 Corintios 9:22

Irquicunata sinchiyachingapajca, irquicunahuanca irquimi tucurcani. Tucuicunahuanmi paicuna ima shina cajpipish, paicuna shina tucurcani. Pipish quishpirichunmi chashna tucurcani.

1 Timoteo 4:16

Canllatajpish cuidaringui. Imata yachachicushcatapish alli yuyaringui. Ima shina yachachishca shinallataj causangui. Chashna cashpami, canllatajpish quishpiringui, can yachachishcata uyajcunapish quishpiringacuna.

1 Juan 5:9

Gentecuna huillashcata chasquishpaca, Dios paipaj Churimanta huillashcatacarin chaitapish yallimari chasquina canchij.