Juan 5:28 - Dios Rimashca Shimicunami

²⁸ Chashna nishcamanta ama mancharichijchu. Tucui pambashcacuna Runa Aichayuj rimashcata uyana chayamucunmi.

Mushuj Testamento Diospaj Shimi

²⁸ Ñuca cashna nishcamanta ama mancharichijchu. Tucui pambashcacuna ñuca rimashcata uyana punlla chayamungami.

Juan 5:28 Iomraidhean Croise

ISAÍAS 26:19

Cambaj caj huañushcacunaca causaringacunami. Huañushca aichacunaca jataringacunami. Ñutu allpapi causacujcuna rijcharichij, cantaichij. Quiquin causachijpica huañushcacunaca, ñutu tamya shamujpi llullu granocuna huiñaj shinami allpamanta llujshingacuna. Allpaca paipi caj huañushcacunata tigrachingami.

DANIEL 12:2

Chai punllacunapica huañushcacunapish causachishcami canga. Shujcunaca huiñai causaipajmi causachishca canga. Caishujcunaca huiñaita pingaichishca, muspachishca cangapajmi causachishca canga.

OSEAS 13:14

Seolpaj maquimantami quishpichisha. Huañunamantami quishpichisha. Chaipica huañui, ñucami canta huañuchijca cani. Seol canta chingachijca ñucami cani. Llaquij canaca ñuca ñahuimantaca anchunmi nishami.

Juan 3:7

“Cutin huacharinami cangui” nishcamantaca, ama mancharichu.

Juan 4:21

Chaimi Jesusca cashna nirca: –Huarmi, mana cai urcullapi, mana Jerusalenllapi Yaya Diosta adorana punlla shamucujta criyari.

Juan 4:23

Yaya Diostaca Espíritu yuyaita cushca shina, mana nij tucushpalla adorana punlla chayamunami carca. Chai punllamari ña chayamun. Yaya Diosca chashna adorajcunatami munan.

Juan 5:20

Yayaca paipaj Churitaca c'uyanmi. Chaimantami Churimanca tucui imallata pai ruracushcataca ricuchin. Chaimanta cunan ruracushcacunamanta yallitapishmi rurachishpa cancunamanca ricuchinga. Chaita ricushpaca cancunaca mancharinguichijmi.

Juan 5:25

Taita Diospaj Churi rimashcata huañushcacuna uyana chayamunmi. Chaica cunanmari. Paita uyajcunaca causangacunami. Chaica chashnatajmi.

Hechos 24:15

Ima shinami paicunaca, tucui huañushcacunatami cashcata rurajcunatapish, mana cashcata rurajcunatapish Taita Dios causachinga nincuna. Ñucapish chai yuyaillatajmi cani.

Hechos 3:12

Chaita ricushpami Pedroca: “Israelcuna, ¿ima nishpataj mancharishca canguichij? ¿ima nishpataj ñucanchijta ricuracunguichij? ¿Ñucanchij imatapish rurai tucuj cashcamanta, Taita Diosta cazuj cashcallamanta alliyachishcatachu yuyanguichij?

1 Corintios 15:22

Ima shinami Adanmantaca tucuicuna huañun, chashnallatajmi Cristopi cajcunaca tucuicuna causachishca canga.

Filipenses 3:21

Ñucanchij huañujlla cuerpotaca, shujtajyachishpami paipaj cuerpoman rijchaj, sumaj cuerpota ruranga. Tucui imatapish cazuchij poderhuanmi, paillataj chashna ruranga.

Apocalipsis 20:12

Huañushcacunataca jatuncunatapish uchillacunatapish Diospaj ñaupajpi shayacujtami ricurcani. Librocunapish pascashcami carca. Causanaman rinapaj shujtaj libropish pascashcami carca. Huañushcacunaca paicuna ima shina cashcata librocunapi quillcashca shinallatajmi ricuchishca carca.