Juan 5:25 - Dios Rimashca Shimicunami

²⁵ Taita Diospaj Churi rimashcata huañushcacuna uyana chayamunmi. Chaica cunanmari. Paita uyajcunaca causangacunami. Chaica chashnatajmi.

Mushuj Testamento Diospaj Shimi

²⁵ Diospaj Churi cajpi ñuca rimashcata huañushcacuna uyana punlla chayamucunmi, chaica cunanllatajmi. Ñuca rimashcata uyajcunaca causangami, ñuca nishcaca chashnatajmari.

Juan 5:25 Iomraidhean Croise

Lucas 15:24

Cai ñuca churica huañushcami carca, cunanca causarishcami. Chingarishcami carca, cunanca tigramushcami” nishpami, yallitaj cushicui callarircacuna.

Lucas 15:32

Ashtahuanpish cambaj cai huauquica, huañushcami carca, cunanca causarishcami. Chingarishcami carca, cunanca tigramushcami. Chaimantaca jatun fiestata rurashpa cushicunatajmi canchij” nircami” nishpami parlarca.

Lucas 9:60

Chaimi Jesusca: –Huañushcacunataca huañushcacunallataj pambacuchun saquilla. Ashtahuanpish canca, Taita Dios ima shina mandagrinta huillagri– nircami.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 17:1

Caicunata nishca q'uipami, Jesusca jahua pachata huichilla ricushpa cashna nirca: –“Yayitu, ñucata jatunyachina ñami chayamushca. Quiquinta jatunyachingapaj, ñucata jatunyachihuai.

Juan 4:21

Chaimi Jesusca cashna nirca: –Huarmi, mana cai urcullapi, mana Jerusalenllapi Yaya Diosta adorana punlla shamucujta criyari.

Juan 4:23

Yaya Diostaca Espíritu yuyaita cushca shina, mana nij tucushpalla adorana punlla chayamunami carca. Chai punllamari ña chayamun. Yaya Diosca chashna adorajcunatami munan.

Juan 5:21

Ima shinami Yayaca, huañushcacunataca causaita cushpa causachin, chashnallatajmi Churipish pai cusha nishcacunaman causaita cun.

Juan 5:28

Chashna nishcamanta ama mancharichijchu. Tucui pambashcacuna Runa Aichayuj rimashcata uyana chayamucunmi.

Juan 6:60

Jesús chashna nijta achca paita catijcuna uyashpaca: –Cai yachachishcaca sinchimari. ¿Pitaj uyasha ningari?– nircacunami.

Juan 8:43

¿Ima nishpataj ñuca yachachishcataca mana entendinguichigari? Cancunallataj mana uyasha nishcamantami mana entendinguichij.

Juan 8:47

Maijanpish Taita Diospajtaj cajca, paipaj Shimitaca uyanllami. Ashtahuanpish cancunaca mana Taita Diospaj cashpami paipaj Shimitaca mana uyashun ninguichij– nircami.

Juan 9:27

Chaimi paica: –Ñataj shina huillani. Manamari uyashcanguichijchu. ¿Ima nishpataj cutin huillachun ninguichij? ¿Cancunapishchu paipaj yachacujcuna tucushun ninguichij?– nirca.

Romanos 6:4

Bautizarishcamantami paipaj huañuipi paihuan pambashca canchij. Ima shinami Yayapaj sumaj poderhuan Cristoca huañushcacunapaj chaupimanta causarirca, chashnallataj ñucanchijpish mushuj causaipi causashunchij.

Efesios 2:1

Cancunapaj millai juchacunapi huañushcacuna cajpipish, Diosmi cancunaman causaita curca.

Efesios 2:5

Juchapi ñucanchij huañushca cajpipish, Cristohuan shujllata rurashpami, ñucanchijtaca causachirca. (Mana c'uyaipaj cajpipish c'uyashpa quishpichishcacunami canguichij).

Efesios 5:14

Chaimanta: “Dormicuj rijchari, huañushcacunapaj chaupimanta jatari. Cristomi cantaca achijyachinga” ninmi.

Colosenses 2:13

Cancunaca juchamantapish, aichapi mana circuncisionta rurachishcamantapish huañushcami carcanguichij. Chashna cajpipish, tucui juchacunata perdonashpami, Cristohuan shujllata rurashpa causachirca.

Apocalipsis 3:1

Sardis pueblopi caj tandanacushca crijcunapaj angelmanpish quillcai: “Diospaj canchis Espiritutapish, canchis luzerocunatapish charijca cashnami nin: Ñucaca can imalla rurashcataca yachanimi. Causacujmi nishca cashpapish huañushcami cangui.