Juan 5:23 - Dios Rimashca Shimicunami

²³ Tucuicuna Yayata jatunyachij shinallataj, paipaj Churita jatunyachichunmi paiman curca. Pipish paipaj Churita mana jatunyachijca, paita cachaj Yayatami mana jatunyachin.

Mushuj Testamento Diospaj Shimi

²³ Yayata alli nij shinallataj, tucuicuna Paipaj Churitapish alli nichunmi chaitaca Paiman curca. Churita mana alli nijca, Paita cachaj Yayatapish mana alli ninchu.

Juan 5:23 Iomraidhean Croise

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

ISAÍAS 42:8

Ñucaca, Mandaj Diosmi cani. Ñuca shutica chaimi. Ñuca jatun canataca, pi shujtajman mana cushachu. Ñucata alabanapaj randi, rurashcalla dioscunata alabachun mana saquishachu.

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

ISAÍAS 45:15

Mana ricurij Dios cashpapish, mana dios nishcallachu cangui Diostajmi cangui. Israelcunata quishpichij Taita Diosmi cangui.

ISAÍAS 45:21

Paicuna caimi tucunga chaimi tucunga nishpa huillashca pajtashcata mana pajtashcata tapunacuichij. Imalla tucuna cashcata callarimantapacha huillajca ¿pitaj tiyanri? Mandaj Dios ñucami chashna huillajca cani. Ñucallami chashna Dios cani, pi shujtajca mana tiyanchu. Cashcata ruraj, Quishpichijca ñucallami cani, pi shujtajca mana tiyanchu.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Mateo 10:37

Maijanpish yayata, mamata ñucata yalli c'uyajca, mana ñucapaj cai tucunchu. Churita, ushushita ñucata yalli c'uyajpish mana ñucapaj cai tucunchu.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 12:21

Mana israelcunapish tucuicunami paipi shunguta churangacuna” nishcami pajtarca.

Mateo 15:8

“Cai llajtapi causajcunaca, ñucataca shimillahuanmi allimari cangui nincuna. Ashtahuanpish paicunapaj shunguca ñucamanta carupimi.

Mateo 28:19

Chaimanta tucui cai pachata richij, ñuca yachacujcunata ruraichij. Paicunataca Yayapaj, Churipaj, jucha illaj Espiritupaj shutipi bautizaichij.

Lucas 10:16

Cancunata uyajca ñucatami uyan, cancunata p'iñajca ñucatami p'iñan. Ñucata p'iñajca, ñucata cachajtapishmi p'iñan” nircami.

Juan 14:1

–Ñuca rigrini nijpipish ama mancharichijchu. Yaya Diostapish crichij, ñucatapish crichij.

Juan 16:14

Jucha illaj Espíritu shamushpaca ñuca yachachicushcamanta japishpami tucui ima shinalla cashcata yachachishpa ñucataca jatunyachinga.

Juan 17:10

Tucui ñucapaj cajca quiquinpajmi, tucui quiquinpaj cajca ñucapajmi. Chaimantami paicunamanta jatunyachishca cani.

Romanos 1:7

Romapi tucui cajcuna, Dios c'uyashpa jucha illaj cachun cayashcacuna: Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninimi.

Romanos 15:12

Shinallataj Isaiaspish: “Isaipaj sapimi retoñanga. Paimantami tucui mama llajtacunata mandangapajca llujshinga. Mana judiocunaca paipi yuyaita churashpami shuyangacuna” ninmi.

Romanos 6:22

Ashtahuanpish cunanca juchamanta cacharichishca, Diospajta rurajcunami canguichij. Chaimanta japinataca, jucha illaj canata, tucuripica huiñai causaitami charinguichij.

Romanos 8:9

Ashtahuanpish cancunaca, aicha munashca shinaca ña mana causacunguichijchu. Ashtahuanpish Diospaj Espíritu cancunapi causacujpitajca, Espíritu munashca shinamari causacunguichij. Maijanpish Cristopaj Espirituta mana charijca, mana paipajchu.

1 Corintios 1:3

Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

1 Corintios 10:31

Micushpapish, ubyashpapish, tucui imata rurashpapish, Diosta jatunyachingapaj ruraichij.

1 Corintios 16:22

Mandaj Jesucristota maijanpish mana c'uyajca, llaquichinapaj cachun. ¡Mandaj Jesusca shamugrinmi!

1 Corintios 6:19

Jucha illaj Espiritupaj huasi cashcata, paica cancunapi causacushcatapish ¿manachu yachanguichij? Chaitaca Diosmanta chasquishca cashcamanta, mana cancunapajllatajchu canguichij.

2 Corintios 1:9

Ashtahuanpish huañunatajmi nishca canatami ñucanchijpica yuyarcanchij. Ñucanchijllapitaj ama yuyaita churashpa, ashtahuanpish huañushcacunata causachij Diospi yuyaita churachunmi chashna tucurca.

2 Corintios 13:14

Mandaj Jesucristopaj mana c'uyaipajta c'uyaj canapish, Taita Diospaj c'uyaipish, jucha illaj Espiritumanta shujlla canapish tucui cancunahuan cashca cachun. Chashna cachun.

2 Corintios 5:14

Shujllami tucuicunamanta huañurca, tucuicunami paipi huañurcacuna. Chaimantami Cristopaj c'uyaica ñucanchijtaca chaita huillachicun.

2 Corintios 5:19

Diosca cai pachapi causajcunapaj juchacunata manataj yuyarishachu nishpaca, Cristomantami paicunahuanca alli tucurca. Alli tucunata huillachunca ñucanchijmanmi mingarca.

Efesios 6:24

Ñucanchijta Mandaj Jesucristota, mana chingarij c'uyaihuan tucui c'uyajcunamanca, mana c'uyaipajta c'uyaj canata cushca cachun. Chashna cachun.

2 Timoteo 1:12

Chaimantami llaquita apacuni. Chashna cashpapish, pita crishcataca yachanimi. Chaimanta ñucaca mana pingarinichu. Paica huaquichingapaj poderyuj cashcamantaca ñuca mingashcataca shamuj punllacama huaquichinataj cashcatami yachani.

Hebreos 1:6

Cashnapishmi nirca. Paipaj shujlla Churita cai pachaman cachashpaca: “Diospaj tucui angelcuna, paita adoraichij” nircami.

2 Pedro 1:1

Jesucristopaj apóstol, paipajta ruraj Simón Pedromi cani. Cashcata ruraj ñucanchij Dios, Quishpichij Jesucristomantami cancunapish ñucanchij shinallataj alli sumaj crinata japircanguichij.

2 Pedro 3:18

Chaipaj randica, mana c'uyaipajta c'uyaj cashcata ñucanchijta Mandaj Quishpichij Jesucristota ashtahuan rijsishpa huiñaichij. Cunanpish, huiñai huiñaitapish paica sumajmari nishca cachun. Chashna cachun.

1 Juan 2:23

Jesusca mana Cristochu nijca, Yayatapish mana charinchu. Jesusca Diospaj Churimi nishpa huillajmi Yayatapish charin.

2 Juan 1:9

Cristomanta yachachishcapi mana catirashpa maijanpish chingachijca, Diostaca mana charinchu. Cristomanta yachachishcapi maijanpish catirajmi Yayatapish, Churitapish charin.