Juan 5:22 - Dios Rimashca Shimicunami

²² Cai pachapi causajcunataca Yayaca pita paicuna imalla rurashcacunataca mana ricunchingachu. Imalla rurashcacunata ricuchichunca paipaj Churimanmi tucuita curca.

Mushuj Testamento Diospaj Shimi

²² Ashtahuancarin, Yayaca, pitapish mana ima shina cashcata ricuchingachu. Ashtahuanpish chai ruranataca, Churimanmi curca.

Juan 5:22 Iomraidhean Croise

SALMOS 96:13

Mandaj Diosca cai pachata mandangapaj ñami shamucun. Paica cai pachataca cashcata rurashpami mandanga. Gentecunataca mana llullaj canahuanmi mandanga. Paipaj ñaupajpi cushicunguichij.

SALMOS 98:9

Mandaj Diosca cai pachata mandangapaj ñami shamucun. Paica cai pachataca cashcata rurashpami mandanga. Tucuicunata cashcata rurashpami mandanga. Mandaj Diospaj ñaupajpi cushicuichigari.

ECLESIASTÉS 11:9

Q'uipa huiñaicunalla, cancuna chairaj cashcapi cushicuichijlla. Cambaj shungu cushicuchun saquilla. Cambaj shungu munashcata rurailla, ñahui pajtashcata ricuilla. Chashna cashpapish can imallata rurashcataca, Diosman ricuchina cashcataca yachanami cangui.

ECLESIASTÉS 12:14

Diosca ñucanchij tucui imallata rurashcatami ricunga. Allita rurashca cajpipish, millaita rurashca cajpipish, pacallapi imata rurashcatapish ricungami.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 16:27

Runa Aichayujca, paipaj angelcunandij, paipaj Yayapaj achij nicuj sumaj cashcahuan shamushpaca, cada quiquinmanmi paicuna rurashca shinallataj cunga.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 3:35

Yayaca Churita c'uyashpami, tucui imatapish paipaj maquipi churarca.

Juan 5:27

Runa Aichayuj cajpimi, tucuicuna imalla rurashcata ricuchinatapish paiman curca.

Juan 9:39

Chaipimi Jesusca: –Ñucaca cai pachamanca cai pachapi causajcuna imalla rurashcata ricuchingapajmi shamurcani. Mana ricucujcunataca ricujta rurangapaj, ricucujcunataca mana ricujta rurangapajmi shamurcani– nircami.

Hechos 10:42

Chaipimi Jesusca tucuicunaman huillachun mandarca. Causajcunapajpish huañushcacunapajpish Jesustaca juez cachunmi Taita Diosca churarca nishpa huillachunpishmi mandarca.

Hechos 17:31

Taita Diosca tucui cai pachapi causajcunata paicuna ima shina cashcatataj ricuchingapajca ñami shuj punllata agllashcata charin. Tucui chaicunata rurashpa ricuchij cachunca pai agllashca runatami huañushcacunapaj chaupimanta causachishpa ricuchirca” nircami.

Romanos 2:16

Chaicunataca imalla rurashcata Taita Dios ricuchishpa llaquichina punllapica, alli huillaipi huillashca shinallatajmi, pacalla rurashcacunataca tucuicunapajta Jesucristota ricuchichinga.

2 Corintios 5:10

Imalla rurashcata Cristo ricuchicun ñaupajpica, tucuicunamari ricurigrinataj canchij. Chaipimi cai cuerpohuan cashparaj, cada quiquin allita rurashca cashpa, mana allita rurashca cashpapish, japina cashcata japishun.

2 Timoteo 4:1

Mandaj Jesucristo mandanapaj shamushpaca, huañushcacunaman causajcunamanpish paicuna imalla rurashcatami ricuchinga. Chai Mandaj Jesucristopaj, Taita Diospaj ñaupajpimi canmanca mingani.

1 Pedro 4:5

Paicunaca causajcunapish, huañushcacunapish, imalla rurashcata ricuchingapaj allichishca tiyacujmanmi, paicunallataj huillangacuna.