Juan 5:21 - Dios Rimashca Shimicunami

²¹ Ima shinami Yayaca, huañushcacunataca causaita cushpa causachin, chashnallatajmi Churipish pai cusha nishcacunaman causaita cun.

Mushuj Testamento Diospaj Shimi

²¹ Ima shinami Yayaca huañushcacunaman causaita cushpa causachin, chashnallatajmi Churipish cusha nishcacunallaman causaita cun.

Juan 5:21 Iomraidhean Croise

1 REYES 17:21

Shina nishpaca Eliasca huambrapaj jahuapi quimsa cutin siririshpami, Mandaj Diostaca: “Mandaj ñuca Taita Dioslla, cai huambrapaj almata paillamantaj tigrachi” nishpa caparishpa mañarca.

2 REYES 5:7

Israel llajtata jatun mandaj chai quillcata rezashpaca, p'iñarishpa paipaj churanata lliquirishpami: –Ñucaca Dios shina causaita cui tucuj, causaita quichui tucuj cajpi shinamari, cai runataca lepra ungüimanta alliyachichun ñucapajman cachashca. ¡Chashna rurashpaca ñucahuan p'iñanacungapaj mashcacushcatami ricuchin. Chaitaca cancunallataj ricunguichijmi!– nirca.

Juan 11:25

Jesusca: –Ñucami causachijpish, causaiyujpish cani. Maijanpish ñucata crijca, huañushca cashpapish causaringami.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 6:63

Taita Diospaj Espiritumi causaita cujca, aichaca causaitaca mana cunchu. Cancunaman ñuca huillashca shimicunaca causaita cuj Espiritumi.

Hechos 26:8

Huañushcacunata Taita Dios causachinaca cancunapaj yuyaipica maita mana cripajmari yuyachin.

Romanos 8:11

Huañushcacunapaj chaupimanta Jesusta causachij Diospaj Espiritumi cancunapi causacun. Cristo Jesusta huañushcacunapaj chaupimanta causachij Diosllatajmi, cancunapi caj paipaj Espirituhuan, cancunapaj huañushca cuerpocunatapish causachinga.

1 Corintios 15:45

Cashnapishmi quillcashca tiyacun: “Punta rurashca Adán runaca, causaj almayujmari” ninmi. Q'uipa Adanca, causaita cuj Espiritumari.

DEUTERONOMIO 32:39

Cunanca ñucalla Taita Diostaj cashcataca alli ricuichij. Ñuca shina Diosca pi shujtaj diosca mana tiyanchu. Ñucami causaita quichuni, ñucallatajmi causaita cuni. Ñucami chugrichini, ñucallatajmi alliyachini. Ñuca maquimantaca pi mana quishpiri tucunchu.