Juan 5:20 - Dios Rimashca Shimicunami

²⁰ Yayaca paipaj Churitaca c'uyanmi. Chaimantami Churimanca tucui imallata pai ruracushcataca ricuchin. Chaimanta cunan ruracushcacunamanta yallitapishmi rurachishpa cancunamanca ricuchinga. Chaita ricushpaca cancunaca mancharinguichijmi.

Mushuj Testamento Diospaj Shimi

²⁰ Yayaca Churita cʼuyashpami, Pai tucui imalla ruracushcataca Churiman ricuchin. Cunan rurashcatapish yallita ricuchingami. Chaita ricushpaca, cancunaca jatunta mancharinguichijmi.

Juan 5:20 Iomraidhean Croise

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Mateo 3:17

Jahua pachamantaca: “Caimi ñuca c'uyashca Churi. Paipimi cushicuni” nishpa rimashcami uyarirca.

Mateo 4:8

Cutinllatajmi Diabloca, tucuimanta yalli jatun urcu jahuaman Jesusta pushashpa, tucui cai pachapi mandanacunata, sumajcunata ricuchishpaca,

Lucas 10:22

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yaya pi cashcatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin– nircami.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 10:32

Chashna shitashun nijpimi Jesusca: –Ñuca Yaya mandajpi cancunapaj ñaupajpica cai tucui allicunatami rurarcani ¿maijan chaicunamantataj rumihuan shitashun ninguichij?– nirca.

Juan 14:12

Maijanpish ñucata crijca, ñuca rurashca shinallatajmi paipish ruranga. Ñucaca ñuca Yayapajman rishcamanta chai ñuca rurashcacunata yallitapishmi ruranga. Chaica chashnatajmi canga.

Juan 15:15

Cancunataca ña mana ñucapajta rurajcunami canguichij nishachu. Amopajta rurajca, paipaj amo imallata ruracujtaca mana yachanchu. Cancunamanca ñuca Yaya imallata ruracujtaca tucuitami yachachircani. Chaimanta cancunaca ñucahuan alli apanacujcunami canguichij.

Juan 17:26

Ñucaca quiquin ima shina cashcatami ricuchircani. Ashtahuan ricuchishpa caticushallami. Can ñucata c'uyashca c'uyaica paicunapi cachunmi ñucaca paicunahuan shujlla cani” nircami.

Juan 3:35

Yayaca Churita c'uyashpami, tucui imatapish paipaj maquipi churarca.

Juan 5:21

Ima shinami Yayaca, huañushcacunataca causaita cushpa causachin, chashnallatajmi Churipish pai cusha nishcacunaman causaita cun.

Juan 5:25

Taita Diospaj Churi rimashcata huañushcacuna uyana chayamunmi. Chaica cunanmari. Paita uyajcunaca causangacunami. Chaica chashnatajmi.

Juan 5:29

Chaipica allita rurajcunaca, huiñaita causangapajmi causaringacuna. Ashtahuanpish mana allita rurajcunaca, jatun llaquiman ringapajmi causaringacuna.

2 Pedro 1:17

Alli nishca canata, jatunyachishca canata, Dios Yayamanta pai chasquicuipica jahua pacha sumaj achij nicujmantaca cashna nishcami uyarirca: “Caica ñuca c'uyashca Churimi, paipimi cushicuita charini” nircami.