Juan 5:19 - Dios Rimashca Shimicunami

¹⁹ Shina nishcamanta cutichishpami Jesusca paicunataca: –Churi cashpapish pai quiquin yuyaillamantaca imata mana rurai tucunchu. Ashtahuanpish Yaya imallata rurajta ricushpami, Yaya rurashca shinallataj Churipish ruran. Chaica chashnatajmi.

Mushuj Testamento Diospaj Shimi

¹⁹ Jesusca paicunataca, cashnapishmi nirca: —Churica quiquin yuyaillamantaca, imata mana rurai tucunchu. Yaya imallata ruracujta ricushpamari, Pai shinallataj ruran. Chaica chashnatajmi.

Juan 5:19 Iomraidhean Croise

GÉNESIS 1:1

Jahua pachata, cai pachata callarichijca Taita Diosmi.

GÉNESIS 1:26

Chai q'uipami Taita Diosca: “Cunanca yacupi causaj animalcunatapish, huairapi purij alasyuj animalcunatapish, charina animalcunatapish, sachapi causaj animalcunatapish mandachunca ñucanchijman rijchaj, ñucanchijtajlla runata rurashun” nirca.

SALMOS 138:3

Quiquinca ñuca mañancami uyangui. Ñuca almata sinchiyachishpami fuerzata cungui.

SALMOS 27:14

Mandaj Diospi shunguta churai. Fuerzarishpa paita shuyailla. Mandaj Diospi shunguta churailla.

SALMOS 50:6

¡Taita Dios juez cashcamanta paica cashcata rurashpami mandacun nishpami jahua pachaca huillanga! Selah

ÉXODO 4:11

Mandaj Diosca: –¿Pitaj runamanca shimita curcari? ¿Mana rimajtapish, mana uyajtapish, ñahui ricujtapish, mana ricujtapish pitaj rurarcari? Chaicunataca ¿Manachu Mandaj Dios ñuca rurarcani?

PROVERBIOS 2:6

Mandaj Diosllamari alli yachaita cun. Paipaj shimimantami alli yachajta, alli yuyaiyujta ruraj shimicuna shamun.

ISAÍAS 44:24

Mamapaj huijsa ucumantapacha canta cuidaj canta Quishpichij Mandaj Diosca cashnami nin: “Ñucaca tucuita ruraj Mandaj Diosmi cani. Ñucallatajmi jahua pachatapish linsota chutaj shina churarcani. Cai pachatapish ñucallatajmi tucuita rurarcani. Ñucataca pi mana ayudarcachu.

ISAÍAS 45:24

Ñucataca cashnami ningacuna: Cashcata ruraj canapish, fuerzapish Mandaj Diospitajmi tiyan ningami. Mandaj Diospajman shamushpa nina sindirij shina p'iñarijcunaca tucuicunami pingachishca cangacuna.

JEREMÍAS 17:10

Mandaj Dios ñucami tucuicunapaj shunguta, yuyaita callarishpa ricuni, yachani. Tucuicunamanmi imallata rurashcamantapish, ima shina causashcamantapish chasquina cashcatataj cusha” ninmi.

Mateo 26:39

Chaimanta ashallata rishpami, Jesusca cungurishpa cumurishpaca: “Ñuca Yayitu. Ima shinamanta jayajta ubyana shina llaquita mana apana cajpica, ñucamanta cai llaquita anchuchipai. Ñuca chashna nijpipish ama ñuca munashca shinaca rurapaichu, ashtahuanpish can munashca shina rurapai” nishpami Diosta mañarca.

Lucas 21:15

Cancunamanca ñucami imallata rimanata, yachaitapish cusha. Chaipica cancunata p'iñajcunaca imata mana juchachi tucushpa upalla saquiringallami.

Juan 10:18

Pi mana ñucataca huañuchi tucunchu, ashtahuanpish ñuca huañusha nijpimi huañuchingacuna. Ñucallataj huañui tucunimi, ñucallataj causari tucunimi. Chashna tucuchunmi ñucataca ñuca Yayaca mandarca nircami.

Juan 12:49

Ñucaca mana ñuca quiquin yuyaimantachu rimarcani. Ñucata cachaj Yayami imallata rimanatapish, yachachinatapish ñucataca mandarca.

Juan 12:50

Pai mandashcaca, huiñai causaipaj cashcataca yachanimi. Chaimi ñuca rimashpaca, ñuca Yaya ñucata mandashca shinallataj rimani” nircami.

Juan 14:10

Ñucaca Yayahuan, Yayaca ñucahuan shujlla cashcataca ¿manachu cringui? Cancunaman ñuca imalla nishca shimicunataca, mana ñuca yuyaillamantachu nircani. Ashtahuanpish ñucapi causaj Yayami, tucui imalla pai munashcacunata rurachicun.

Juan 2:19

Jesusca: –Cai Taita Diospaj huasita urmachichij. Q'uimsa punllapica shayachishallami– nirca.

Juan 3:3

Chaimi Jesusca: –Pipish mana cutin huacharijca, Taita Dios mandacujpica mana ricungacunachu. Chashnatajmi canga– nircami.

Juan 5:21

Ima shinami Yayaca, huañushcacunataca causaita cushpa causachin, chashnallatajmi Churipish pai cusha nishcacunaman causaita cun.

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

Juan 8:28

Chaimi Jesusca cashna nirca: –Runa Aichayuj ñucataca jahuaman huarcushpami, ñuca pi cashcataca rijsinguichij. Imatapish ñuca quiquinllamantatajca mana ruranichu. Ñuca Yaya yachachishcallatami rimani.

Juan 9:4

Ñucata cachaj Yaya imallata rurai nishcataca punllaraj cajpimi, rurana cani. Ña tutayajpica pi mana imata rurai tucunchu.

Hechos 2:24

Chashna rurajpipish, Taita Diosmi paitaca llaqui nanai huañuimanta cacharichishpa causachirca. Chaimanta paitaca, huañuica mana imata ashtahuan rurai tucunchu.

Romanos 6:4

Bautizarishcamantami paipaj huañuipi paihuan pambashca canchij. Ima shinami Yayapaj sumaj poderhuan Cristoca huañushcacunapaj chaupimanta causarirca, chashnallataj ñucanchijpish mushuj causaipi causashunchij.

Romanos 8:11

Huañushcacunapaj chaupimanta Jesusta causachij Diospaj Espiritumi cancunapi causacun. Cristo Jesusta huañushcacunapaj chaupimanta causachij Diosllatajmi, cancunapi caj paipaj Espirituhuan, cancunapaj huañushca cuerpocunatapish causachinga.

1 Corintios 15:12

Cristoca huañushcacunapaj chaupimantami causarirca nishpa huillacujpipish ¿ima nishpataj cancunapurapi maijancunaca huañushcacuna causarinaca mana tiyanchu nincuna?

2 Corintios 4:14

Mandaj Jesusta causachij Taita Diosllataj ñucanchijtapish, Jesusta shinallataj causachishpa, cancunandij paipaj ñaupajman pushana cashcataca yachanchijmi.

2 Corintios 5:10

Imalla rurashcata Cristo ricuchicun ñaupajpica, tucuicunamari ricurigrinataj canchij. Chaipimi cai cuerpohuan cashparaj, cada quiquin allita rurashca cashpa, mana allita rurashca cashpapish, japina cashcata japishun.

Efesios 2:5

Juchapi ñucanchij huañushca cajpipish, Cristohuan shujllata rurashpami, ñucanchijtaca causachirca. (Mana c'uyaipaj cajpipish c'uyashpa quishpichishcacunami canguichij).

Efesios 3:16

Diosca sumajyaita achcata charij cashcamantaca, paipaj Espirituhuan poderta cushpa cancunapaj shungupi sinchiyachichunmi mañacuni.

Filipenses 3:21

Ñucanchij huañujlla cuerpotaca, shujtajyachishpami paipaj cuerpoman rijchaj, sumaj cuerpota ruranga. Tucui imatapish cazuchij poderhuanmi, paillataj chashna ruranga.

Filipenses 4:13

Ñucata sinchiyachij Cristohuanca, tucui imatapish rurai tucunimi.

Colosenses 1:11

Tucuipi paipaj sumaj poderhuan sinchiyachijpi mana p'iñarij, sinchi cachunpishmi mañacunchijlla.

Colosenses 1:16

Diosca jahua pachapi, cai pachapi tucui imalla tiyajta, mana ricuipajcunata, ricuipajcunatapish paipaj Churihuanmi rurarca. Shinallataj jatun mandajcunata, uchilla mandajcunata, ñahuihuan mana ricuipaj mandajcunata, poderyujcunata, tucuicunatami paipaj Churipaj cachun paillahuantaj rurarca.

1 Tesalonicenses 4:14

Jesús huañushpa causarishcatami ñucanchijca crinchij. Chai shinallatajmi Jesusta crij huañushcacunatapish Taita Diosca causachinga.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.