Juan 5:17 - Dios Rimashca Shimicunami

¹⁷ Chaimi Jesusca: –Ñuca Yayaca, trabajanataca mana saquinchu. Ñucapish trabajanataca mana saquinichu– nirca.

Mushuj Testamento Diospaj Shimi

¹⁷ Chaita yachashpami, Jesusca: —Ñuca Yayaca, cunancama trabajacunrajmi. Chaimantami ñucapish trabajacuni— nircami.

Juan 5:17 Iomraidhean Croise

SALMOS 65:6

Quiquinca urcucunata sinchita churajmi cangui. Quiquinpaj tucuita rurai tucuj cashcahuanmi chashna rurangui. C'ari c'ari canahuan chumbillirishcami cangui.

ISAÍAS 40:26

Cancunapaj ñahuihuan huichilla ricuichigari. Tucui caicunata pi rurashcata ricuichigari. Jahuapi ima tiyajcunataca paimi tucuita yupashpa maita rina cashcata cachan. Tucui chaicunataca paicunapaj shutipimi cayan shujllapish mana illangachu. ¡Chashnami paica tucuita rurai tucuj, tucuita mandai tucuj!

Mateo 10:29

¿Manachu ishqui pajarocunata shuj cullquipi c'atuncuna? Chashna c'atujpipish cancunapaj Yaya huañuchun mana munajpica shujllapish mana huañunchu.

Juan 10:36

Ashtahuanpish cancunaca: Ñuca Yaya pai munashcata rurachun ch'icanchishpa cai pachaman cachashca cajtaca ¿maitataj Taita Diosta c'amijmi ninguichigari? Ñucaca pai cachashca cashpamari “Taita Diospaj Churimi cani” nircami.

Juan 14:10

Ñucaca Yayahuan, Yayaca ñucahuan shujlla cashcataca ¿manachu cringui? Cancunaman ñuca imalla nishca shimicunataca, mana ñuca yuyaillamantachu nircani. Ashtahuanpish ñucapi causaj Yayami, tucui imalla pai munashcacunata rurachicun.

Juan 5:16

Samana punllapi alliyachishca cashcamantami judiocunaca, p'iñarishpa Jesustaca ima shinapish huañuchinata yuyacurcacuna.

Juan 5:18

Samana punllapi ungushcata alliyachishpa mana cazushcallamantaca mana carcachu. Taita Dios shina tucushpa Taita Diostapish ñuca quiquin Yayami nishcamantami judiocunaca ima shinapish huañuchinata yuyarcacuna.

Juan 9:4

Ñucata cachaj Yaya imallata rurai nishcataca punllaraj cajpimi, rurana cani. Ña tutayajpica pi mana imata rurai tucunchu.

Hechos 14:17

Chashna causacujpipish Taita Diosca tamyata cachashpa granocuna p'ucuna punllapitaj p'ucuchishpami ñucanchijmanca mana nijta carashpa cushichin. Chashnami pai alli cashcataca ricuchin– nircacunami.

Hechos 17:28

Ñucanchijca Taita Dios causaita cujpimi causanchij, purinchij, paillamantatajmi tiyanchij. Chaimantami cancunapuramanta sumaj shimicunata rimajcunapish: “Taita Diosmanta miramushcacunami canchij” nincuna.

1 Corintios 12:6

Ruraicunaca ch'ican ch'icanmi tiyan, ashtahuanpish tucuita tucuicunapi rurachij Diosca shujllami.

Colosenses 1:16

Diosca jahua pachapi, cai pachapi tucui imalla tiyajta, mana ricuipajcunata, ricuipajcunatapish paipaj Churihuanmi rurarca. Shinallataj jatun mandajcunata, uchilla mandajcunata, ñahuihuan mana ricuipaj mandajcunata, poderyujcunata, tucuicunatami paipaj Churipaj cachun paillahuantaj rurarca.

1 Tesalonicenses 2:13

Taita Diospaj Shimita cancunaman ñucanchij huillajpi uyashpaca, mana runacunapaj shimita shinallachu chasquircanguichij. Ashtahuanpish Taita Diospaj Shimitaj cashcatami chasquircanguichij. Chaimi crij cancunapica rurachicun. Chaimantami ñucanchijca mana samashpa, Taita Diostaca pagui nicunchijlla.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.