Juan 5:14 - Dios Rimashca Shimicunami

¹⁴ Chai q'uipami Jesusca, chai runataca Taita Diospaj huasipi tupashpa: –Riqui, cunanca ñamari alli cangui. Cutinca millaita ama rurangui. Ñataj caita yalli ashtahuan jatun llaqui tucunguiman– nirca.

Mushuj Testamento Diospaj Shimi

¹⁴ Chai qʼuipami Jesusca, Diospaj huasipi tupashpaca cashna nirca: —Riqui, cunanca ñamari alli cangui. Cutinca ama juchallinguichu, ñataj ñaupatapish yalli tucunguiman— nirca.

Juan 5:14 Iomraidhean Croise

2 CRÓNICAS 28:22

Jatun mandaj Acazca, chashna llaquipi cashpapish ashtahuan millaita rurashpami, Mandaj Diostaca ashtahuan p'iñachirca.

NEHEMÍAS 9:28

Ashtahuanpish sumaj causaipi cashpaca, cutinllataj millaita ruranaman tigrashpami Diospaj ñaupajpi millai tucucurcallacuna. Paicunataca paicunata p'iñajcuna llaquichichun paicunapaj maquipimi saquijlla carcangui. Cutinllataj quiquinpajman tigrarishpa quiquinta caparijpica, quiquinca jahua pachamantami uyarcangui. Quiquinca ima shina c'uyaj cashca shinallatajmi cutin cutin p'iñajcunapaj maquimanta cacharichicurcanguilla.

SALMOS 118:18

Mandaj Diosca ñucataca sinchitami llaquichirca. Ashtahuanpish huañuchunca, mana saquihuarcachu.

SALMOS 18:22

Can yachachishcacunataca, manataj cungarircanichu. Can mandashcacunamantaca, manataj caruyarcanichu.

SALMOS 27:6

Ñucata p'iñaj muyunchishcacunapaj jahuapi cachunmi ñucataca mishachinga. Chaimanta cushicushpami paipaj carpa huasipi animalcunata cushpa huañuchisha. Tonocunahuanmi Mandaj Diosta cantashpa alabasha.

SALMOS 9:13

Mandaj Dioslla, ñucata llaquihuayari. Ñucata p'iñajcuna llaquichicujpi llaquita apacujtaca ricuhuayari. Ñuca huañui pungullapi cajpipish canmi quishpichingui.

ISAÍAS 38:20

¡Mandaj Diosmi ñucataca quishpichin! Chaimanta tucui ñucanchij causaipi Mandaj Diostaca paipaj huasipi ñucanchij tocanacunapi tocashpa cantacushunlla nishpami quillcarca.

ISAÍAS 38:22

Ezequiasca Isaiastaca: “Mandaj Diospaj huasiman huichiyanatapish ¿imata ricushpataj yachasha?” nishcami carca.

LEVÍTICO 13:20

Chaipi cura alli ricunapajca aicha cara ucucama llulluyashca cajta, chaipi caj millmacunapish yurajyashca cashcata cura ricushpaca, mapa cashcatami huillanga. Chaica carachamanta lepra ungüi tucushcami canga.

LEVÍTICO 26:27

Chaipipish, ashtahuan yallitaj mana allita rurashpa catijpica,

LEVÍTICO 7:12

Sumaj causaimanta pagui nishpa Mandaj Diosman cushca jahuapish caicunahuan cuchun. Aceitehuan chapushca levadura illajlla tortahuan, levadura illajlla tortillata aceitehuan jahuata llihuishcahuan, tucuimanta yalli alli cutata aceitehuan chapushpa tortata rurashcahuan Diosman cuchun.

Mateo 12:45

Chashna cajta ricushpaca, paita yalli millai canchis supaicunata pushamushpami, chai runaman yaicushpa causancuna. Chaimantami chai runaca ñaupa ima shina cashcatapish yalli millai tucun. Cunan punllacunapi causacuj millaicunapish chashnallatajmi tucungacuna” nircami.

Marcos 2:5

Jesusca paicuna crishcata ricushpami, mana cuyurij runataca: –Huahua, cambaj juchacunaca perdonashcami– nirca.

Juan 5:13

Alliyachishca runaca achcacuna chaipi cashcamanta, Jesuspish chaimanta ña llujshishpa rishcamanta, paita alliyachijca pi cashcata mana yachashpa judiocunamanca imata mana ni tucurcachu.

Juan 5:5

Chaipica, shuj runami quimsa chunga pusaj huatacunata ungushca carca.

Juan 8:11

chai huarmica: –Amito, pi mana imata nincunachu– nijpi Jesusca: –Ñucapish imata mana ninichu. Rilla, pajta cutin juchallinguiman– nirca.

1 Pedro 4:3

Diosta mana rijsijcuna munashcata ruranataca, ñami sarunman yallitaj rurarcanguichij. Aicha munashcata rurashpa, aichata cushichishpa, machashpa, maipish cachun fiestacunata rurashpa, mana alli yuyaicunallahuan cushicushpa, millanayaj rurashcalla dioscunata adorashpami purircanguichij.