Juan 5:10 - Dios Rimashca Shimicunami

¹⁰ Aparishpa ricujpimi judiocunaca chai alliyashca runataca: –Samana punllamari, mandashcapi nishca shinaca can siricushcataca mana aparishpa rina punllachu– nircacuna.

Mushuj Testamento Diospaj Shimi

¹⁰ Chaimantami, judiocunaca alliyaj runataca: —Sabadomari, manamari canta huandunata aparina punllachu— nircacuna.

Juan 5:10 Iomraidhean Croise

ISAÍAS 58:13

Samana punllapi imata rurangapaj cambaj chaquihuanca ama puringuichu. Ñucapajlla ch'icanchishca punllapica cambaj munaitaca ama ruranguichu. Chai punllataca: “Mandaj Dios ñucapajlla ch'icanchishca jatun punlla nishpa, pai cushicuna punllami” nishpa shutichingui. Chashna nishpaca cambaj quiquin munaita mana purishpa, cambaj quiquin ñanta mana purishpa, cambaj munaillata mana mashcashpa, cambaj quiquin yuyaillamanta mana rimashpa huaquichishpaca,

JEREMÍAS 17:21

Mandaj Diosca cashnami nin: Cancunapaj causaita llaquichigari, samana punllapica ama cargacunata apamuichijchu. Jerusalén pueblo pungucunataca, ama imahuan yaicumuichijchu.

JEREMÍAS 17:27

Ashtahuanpish samana punlla huaquichichun ñuca mandashcata mana cazushpa, chai punllapi ima cargatapish apamushpa, cai Jerusalén puebloman yaicuchijpica, jatun ninahuanmi cai pungucunataca rupachisha. Chai ninaca, Jerusalén pueblopi caj mandana huasicunandijmi tucui rupachinga, pi mana huañuchi tucungachu” ninmi.

Mateo 12:10

Chaipica chaquishca maqui shuj runami tiyacurca. Jesusta juchachingapajmi, fariseocunaca: –¿Samana punllapica alliyachina ninchu?– nishpa tapurcacuna.

Marcos 2:24

Chaimi fariseocunaca: –Riqui, ¿ima nishpataj samana punllapi ama rurangui nishcata ruracuncuna?– nijpi,

Marcos 3:4

Jesusca chaipi cajcunataca: –Samana punllapica: ¿Allita ruranachu, mana cashpaca mana allita ruranachu, huañuimanta quishpichinachu, mana cashpaca huañuchinachu, imata ruranataj samana punllapica alli canga?– nishpa tapujpi paicunaca mana rimarcacunachu.

Lucas 13:14

Samana punllapi Jesús alliyachijta ricushpami, sinagogapi jatun pushajca, achcata p'iñarishpa chaipi cajcunataca: –Trabajanapajca sujta punllacunami tiyan. Chai punllacunapimi, alliyachichunca shamuna canguichij. Samana punllapica mana shamunachu canguichij– nirca.

Lucas 23:56

Paicuna tigrashpaca, mishquijllata ashnacujcunatapish, llihuina jambicunatapishmi allichircacuna. Mandashcapi nishca shinallatajmi, samana punllapica samarircacuna.

Lucas 6:2

Chaita maijan fariseocuna ricushpaca: –¿Ima nishpataj samana punllapi mana rurana cashcata ruracunguichij?– nijpi,

Juan 1:19

Jerusalenpi causaj judiocunami curacunatapish, levitacunatapish: –¿Canca pitaj cangui?– nishpa Juanta tapuchun cachajpi, Juanca cashna nirca:

Juan 5:11

Chaimi chai runaca: –Ñucata alliyachijmari: “Can mantashpa siricushcata aparishpa rilla” nirca– nishpa huillajpica:

Juan 5:15

Chaimi chai runaca, ñucata alliyachijca Jesusmari cashca nishpa judiocunaman huillagrirca.

Juan 5:16

Samana punllapi alliyachishca cashcamantami judiocunaca, p'iñarishpa Jesustaca ima shinapish huañuchinata yuyacurcacuna.

Juan 7:23

Moisés mandashcata mana p'aquingapajca samana punlla cajpipish, circuncisiontaca ruranguichijllami. ¿Samana punllapi shuj runata tucuita alliyachishcamantachu ñucahuanca p'iñaringuichij?

Juan 9:16

maijan fariseocunaca: –Samana punllata mana huaquichij runaca, maitataj Taita Dios cachashca cangari– nircacuna. Maijancunaca: –Chai runaca juchayuj cashpaca ¿ima shinataj pi mana rurai tucuipajtaca rurangari?– nircacunami. Chashnami paicunapurallataj caita chaita yuyashpa ch'ican ch'ican yuyai tucurcacuna.