Juan 4:6 - Dios Rimashca Shimicunami

⁶ Chai allpapica Jacobpaj pugyumi tiyarca. Jesusca shaicuita shamushcamantami chai pugyu c'uchupi tiyarirca. Ña chaupi punlla shinami carca.

Mushuj Testamento Diospaj Shimi

⁶ Chai allpapimi, Jacobpaj pugyupish carca. Ña chaupi punlla shina cajpimi, Jesusca purishpa shaicushcamanta, pugyu cʼuchupi tiyarirca.

Juan 4:6 Iomraidhean Croise

Mateo 27:45

Chaupi punllamanta, quimsa horas chishicamami tucui cai pacha amsayarca.

Mateo 4:2

Chuscu chunga punllacunata, chuscu chunga tutacunata ayunashca q'uipaca yaricachircami.

Mateo 8:24

Ña cuchata ricujpica, huairandij tamyandij yallitaj jatarishpami, chai cucha yacu jahuata jatarishpa barcota tapagrirca. Jesusca dormicurcallami.

Lucas 2:7

Pozana huasicunapi junda cajpimi, Mariaca punta c'ari huahuataca huagracuna shayana ucullapi huacharca. Chai huahuataca maitushpami ujsha jahuapi sirichirca.

Lucas 9:58

Chaimi Jesusca: –Zorracunapish causanapaj jutcuta, pajarocunapish tazinta charincunami. Ashtahuanpish Runa Aichayujca, dormingapaj saunallatapish mana charinchu– nirca.

Juan 11:9

Chaimi Jesusca: –¿Manachu punllaca chunga ishqui horasta charin? Punllapi purijca, cai pachapaj luz achijyachicujpica mana ñitcanchu.

Juan 4:12

¿Canca, cai pugyuta cuj yaya Jacobtapish yalli jatunchari canguiyari? Paipish, paipaj churicunapish, animalcunapish cai pugyumantami ubyajcuna cashca– nircami.

Juan 4:5

Samariaman rishpaca Sicar nishca shuj pueblomanmi chayagrirca. Chai puebloca, yaya Jacob paipaj churi Joseman cushca allpa c'uchullapimi carca.

Juan 4:7

Chaimanca, Samariamanta shuj huarmimi yacuta huishinaman chayarca. Paitami Jesusca: –P'ichilla yacuta ubyangapaj cuhuai– nirca.

2 Corintios 8:9

Ñucanchijta Mandaj Jesucristo, mana c'uyaipajta c'uyaj cashcataca yachanguichijmi. Paica achcata charij cashpapish, cancunata c'uyashcamantami imata mana charij huajcha tucurca. Pai huajcha tucushcamantami, cancunaca achcata charij tucushcanguichij.

Hebreos 2:17

Chaipajmi tucuipi paipaj huauquicuna shina tucuna carca. Diospajta ruraj, c'uyaj, tucuita pajtachij, curacunata jatun pushajmi tucuna carca. Tucuicunapaj juchacunata anchuchingapajmi chashna tucurca.

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.