Juan 4:5 - Dios Rimashca Shimicunami

⁵ Samariaman rishpaca Sicar nishca shuj pueblomanmi chayagrirca. Chai puebloca, yaya Jacob paipaj churi Joseman cushca allpa c'uchullapimi carca.

Mushuj Testamento Diospaj Shimi

⁵ Chaita ricushpami, Samaria llajtapi caj Sicar puebloman chayamurca. Chaica, ñaupa yaya Jacobo paipaj churi Joseman cushca allpa cʼuchullapimi carca.

Juan 4:5 Iomraidhean Croise

GÉNESIS 33:19

Paipaj carpa huasicunata shayachishca pamba allpataca, Siquempaj yaya Hamorpaj churicunamanmi patsaj cullquipi randirca.

GÉNESIS 48:22

Canmanca cambaj huauquicunapajta yallitami cuni. Chai llajtataca amorreocunapajtami ñuca espadahuan, ñuca arcohuan macanacushpa mishashpa quichurcani– nircami.

1 REYES 13:32

Mandaj Dios rimachijpi Bet-elpi caj altartapish p'iñashpa, Samaria llajtapi caj pueblocunapi tiyaj lomacunapi rurashca huasicunatapish p'iñashpa, pai caparishpa rimashcaca chashnatajmi tucunga– nircami.

Lucas 9:52

Chaimi huillajcunata ñaupachishpa cacharca. Paicuna rishpaca samaritanocuna causan shuj uchilla llajtamanmi, pozadata mashcangapaj rircacuna.

Juan 4:12

¿Canca, cai pugyuta cuj yaya Jacobtapish yalli jatunchari canguiyari? Paipish, paipaj churicunapish, animalcunapish cai pugyumantami ubyajcuna cashca– nircami.

Juan 4:39

“Tucui ñuca imalla rurashcatami huillan” nishpa huillajpica, Samaria pueblopi causajcunaca achcacunami Jesusta crircacuna.

Juan 4:6

Chai allpapica Jacobpaj pugyumi tiyarca. Jesusca shaicuita shamushcamantami chai pugyu c'uchupi tiyarirca. Ña chaupi punlla shinami carca.

Juan 4:8

(Paipaj yachacujcunaca, Sicar pueblopi micunata randinamanmi rishcacuna carca).

JOSUÉ 24:32

Israelcunaca Egiptomanta apamushca Josepaj tullucunataca, Siquem pueblopimi pambarcacuna. Chai allpataca yaya Jacobmi, Siquem shuti runapaj yaya Hamorman patsaj cullquipi randirca. Chai allpacunami Josepaj huahuacunapaj tucurca.