Juan 4:41 - Dios Rimashca Shimicunami

⁴¹ Chai punllacunapica Jesusllataj huillajpipish achcacuna paita crishpami,

Mushuj Testamento Diospaj Shimi

⁴¹ Chai punllacunapi Jesusllataj huillajpica, ashtahuan shujtajcunapishmi crircacuna.

Juan 4:41 Iomraidhean Croise

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

Lucas 4:32

Paica mandajtaj shina yachachijpimi achcata mancharircacuna.

Juan 4:40

Samaritanocuna Jesuspajman shamushpaca: –Ñucanchijhuan saquiripai– nijpimi, Jesusca ishqui punllata chaipi saquirirca.

Juan 4:42

chai huarmitaca: –Can huillashcallamantaca mana crinchijchu. Ñucanchijtaj pai huillashcata uyashpami crinchij. Paica cai pachata Quishpichij Cristotaj cashcatami cunantajca ña yachanchij– nircacunami.

Juan 6:63

Taita Diospaj Espiritumi causaita cujca, aichaca causaitaca mana cunchu. Cancunaman ñuca huillashca shimicunaca causaita cuj Espiritumi.

Juan 7:46

paicunaca: –¡Chai runa shinatajca pi mana rimashcachu!– nircacuna.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 15:3

Tandanacushca crijcuna paicunata cachajpimi, Feniciata, Samariata pasacushpaca, mana judiocunapish ñaupa causaita saquishpa Jesusta crishcata parlashpa rircacuna. Chaita uyashpaca Jesusta caticujcunaca achcatami cushicurcacuna.

Hechos 8:12

Chashna cashpapish Taita Dios mandacun alli huillaita, Jesucristomantapish Felipe huillajpi crishpami c'aricunapish, huarmicunapish bautizarircacuna.

Hechos 8:25

Pedrondij, Juandij Samariamanta manaraj Jerusalenman tigrashpami Jesucristomanta imallata ricushcata chai llajtapi huillarcacuna. Taita Diospaj Shimitapish yachachircacunami. Chai q'uipa Jerusalenman tigracushpapish tucui ñancunapimi samaritanocunaman alli huillaita huillashpa rircacuna.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.