Juan 4:3 - Dios Rimashca Shimicunami

³ Chashna nishcata Jesús yachashpaca, Judeamanta llujshishpami Galileaman cutin rirca.

Mushuj Testamento Diospaj Shimi

³ Chashna ninacucujta yachashpami Jesusca, Judeamanta llujshishpa, cutin Galileaman rirca.

Juan 4:3 Iomraidhean Croise

Mateo 10:23

Shuj pueblopi cancunata llaquichina yuyailla llaquichijpica, shujtaj pueblopi miticugringuichij. Israelpi tiyaj tucui pueblocunapica, Runa Aichayuj tigramungacama manaraj tucui huillanguichijchu. Chashnatajmi canga.

Marcos 3:7

Jesús chaimanta paipaj yachacujcunandij cucha uriman rijpica, Galileamanta achcacunami catircacuna. Judeamantapish,

Lucas 17:11

Jesusca Jerusalenman ricushpaca, Samariahuan, Galileahuan chaupitami rirca.

Juan 1:43

Chai cayandij punllami Jesusca Galileaman risha nicushpa, Felipehuan tupashpaca: –Ñucata cati– nirca.

Juan 10:40

Chaimanta rishpaca Jordán yacu ch'imbanijpi, ñaupaman Juan bautizacushcamanmi Jesusca tigrashpa rirca. Chaipimi saquirirca.

Juan 11:54

Chaita yachashpami Jesusca judiocunapaj paca pacalla puricushpaca, shitashca pamba c'uchulla llajtapi caj Efraín shuti puebloman rishpa, paipaj yachacujcunandij chaipi carca.

Juan 2:11

Jesusca Galileapi caj Caná pueblopimi, milagrota ruranataca callarirca. Paica tucuita rurai tucuj cashcata chaipi ricuchijpimi, paipaj yachacujcunaca paita crircacuna.

Juan 3:22

Chai q'uipami Jesusca, paipaj yachacujcunandij Judea llajtaman shamurca. Paicunahuan chaipi cashpami bautizarca.

Juan 3:32

Paica imata ricushcata, uyashcatami huillan. Ashtahuanpish pai ricushcata huillajpipish, pi mana chasquinchu.

Juan 4:47

Chai mandajca Judeamanta Galileaman Jesús chayamushca nijta uyashpami, Jesuspajman shamushpaca: “Ñuca churimi ungushca ña huañunalla. Jacupai alliyachipangui” nijpi,

Juan 7:1

Chai q'uipaca Galileapimi Jesusca yachachishpa puricurca. Judiocuna ima shinapish huañuchishun nicushcamantami Judeamanca mana rirca.