Juan 4:25 - Dios Rimashca Shimicunami

²⁵ Chaimi chai huarmica: –Cristo nishca Mesías shamuna cashcataca yachanimi. Pai shamushpami ima shina cashcata tucuita alli huillanga– nirca.

Mushuj Testamento Diospaj Shimi

²⁵ Chashna nijpi, huarmica: —Cristo nishca Mesías shamuna cashcataca, yachanimi. Pai shamushpami, tucuita ñucanchijmanca alli huillanga— nircami.

Juan 4:25 Iomraidhean Croise

Mateo 1:16

Jacobpaj huahuaca Josemi carca. Chai Josemi Mariapaj cusa carca. Chai Mariapimi Cristo shuti Jesusca huacharirca.

Mateo 27:17

Chaipi tandanacushca cajcunatami, Pilatoca: –Cancunaca: Barrabastachu, Cristo nishca Jesustachu ¿maijantataj cacharichun ninguichij?– nishpa tapurca.

Mateo 27:22

Chaimi Pilatoca: –¿Imatataj Jesús shuti Cristomi nishca runataca rurasha?– nishpa tapujpi tucui paicunaca: –¡Chacatachun ninchijmi!– nircacuna.

Lucas 2:11

Cunanmari Davidpaj pueblopica, shuj Quishpichij huacharishca. Paica Mandaj Cristomi.

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Juan 4:29

–Jacuchij, shuj runata ricunguichij. Paica tucui ñuca ima shinalla cashcatami huillan. ¿Manachu paica Cristo canga?– nircami.

Juan 4:39

“Tucui ñuca imalla rurashcatami huillan” nishpa huillajpica, Samaria pueblopi causajcunaca achcacunami Jesusta crircacuna.

Juan 4:42

chai huarmitaca: –Can huillashcallamantaca mana crinchijchu. Ñucanchijtaj pai huillashcata uyashpami crinchij. Paica cai pachata Quishpichij Cristotaj cashcatami cunantajca ña yachanchij– nircacunami.