Juan 4:23 - Dios Rimashca Shimicunami

²³ Yaya Diostaca Espíritu yuyaita cushca shina, mana nij tucushpalla adorana punlla chayamunami carca. Chai punllamari ña chayamun. Yaya Diosca chashna adorajcunatami munan.

Mushuj Testamento Diospaj Shimi

²³ Shina cajpipish, Diospaj Espíritu yuyachishca shinataj, tucui shunguhuan Yayata adoranaca cunanmari ña chayamushca. Ñucanchijtaca, Paita chashna adorachunmari Yayaca munan.

Juan 4:23 Iomraidhean Croise

1 CRÓNICAS 29:17

Ñuca Dioslla, canca ñucanchij shungupi yuyashcataca callarishpami ricucungui. Alli cajllatami munangui, chaitaca yachanimi. Chaimantami ñuca tucui shunguhuan cunata munashcamanta tucui caicunataca canman curcani. Shinallataj cunan caipi tandanacushca can agllashcacunapish mana llaquishpa, tucui shunguhuan cai tucuita canman cujta ricushpaca cushicunimi.

SALMOS 147:11

Mandaj Diosca paita manchajcunahuanmi cushicun. Pai llaquij cashcata shuyajcunahuanmi cushicun.

SALMOS 17:1

Mandaj Dioslla, uyahuayari cashcallatami mañani. Ñuca caparishcataca uyaracunguimi. Pita mana umaj shimihuan mañashcata uyahuayari.

SALMOS 32:2

Maijanpish ima umana yuyaita mana charijpica, paipica ima mana alli tiyashcata Mandaj Dios mana japishpaca paitaca cushichishcami canga.

SALMOS 51:6

Quiquinca mana llullatami yallitaj c'uyangui. Yachaj canataca pacallapimi yachachishcangui.

PROVERBIOS 15:8

Mandaj Diosca, paita mana manchajcuna cushpa rupachishcataca manataj ricunachinchu. Ashtahuanpish alli runacuna mañashcataca, cushicushpami uyan.

CANTARES 2:14

C'aca huaicucunapi, jutcucunapi, jahua urcucunapi miticushpa causaj ñuca c'uyashca palomita, cambaj ñahuita ricuchihuai, cambaj rimaita uyachihuai. Cambaj rimashca shimicunaca mishquijllamari uyarin. Cambaj ñahuipish sumajmari ricurin” nircami.

ISAÍAS 10:20

Chai punllacunapica cashnami tucunga: Israelcunapuramanta puchushcacunaca paicunata llaquichijcunapi taunarinataca mana yuyangacunachu. Jacobpaj huahua huahua puchushcacunaca paicunata llaquichijcunapi taunarinataca manataj yuyangacunachu. Ashtahuanpish paicuna shuj yuyai taunarinaca Mandaj Dios, israelcunapaj jucha illaj Diosllami canga.

ISAÍAS 29:13

Chaimantami Jatun Diosca: “Cai gentecunaca ñucataca jahua shimillami yuyarincuna. Jahua shimillahuanmi ñucataca allimari cangui nincuna. Ashtahuanpish paicunapaj shunguca ñucamanta carupimari. Ñucata manchanchij nishpapish, gentecuna yachachishpa mandashcacunallatami rurancuna.

ISAÍAS 43:21

Cai israelcunataca ñucapajllami rurarcani. Paicunami ñucata alabanataca huillangacuna.

ISAÍAS 58:2

Cashcata rurajcuna shina, Taita Dios mandashcata pajtachicujcuna shinami paicunaca punllanta ñucata mashcancuna. Ñuca ñancunatami yachashun nincuna. Paicunaca cashcata rurajcuna shinami ñucataca paicunapaj allita rurachun mañancuna. Taita Diosman c'uchuyanatami munancuna.

JEREMÍAS 3:10

Chashna millaita rurashca cashpapish, Israelpaj ñaña mana cazuj Judá huarmica, mana tucui shunguhuan ñucapajman tigrarircachu. Jahua shungullahuanmi cutirij tucurca” ninmi Mandaj Diosca.

JEREMÍAS 4:2

Chaimantaca mana nij tucushpalla, alli yuyaihuantaj, tucui shunguhuantaj: Mandaj Diosca causacunmi nichigari. Chaipica shujtaj llajtacunapi causajcunapish, ñucamantamari allicunata chasquingacuna. Ñucahuanmari cushicungacuna” ninmi.

EZEQUIEL 22:30

Cai llajtata ama llaquichichun nishpa ñuca ñaupajpi jarcashpa pata tunirishcapi shayarichunmi, israelcunapuramanta shuj runata mashcarcani. Chaita ruraj runataca manamari japircanichu.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Juan 12:23

Paicuna huillajpica Jesusca: –Runa Aichayujta jatunyachinaca ñami chayamushca.

Juan 16:2

Cancunataca sinagogacunaman ama cutin yaicuchun llujshichishpa cachangacunami. Cancunata maijanpish huañuchishpaca, Taita Diospajtami ruracuni nishpa yuyana punllacunapish chayamucunmi.

Juan 16:32

Ñucallata saquishpa, cancuna maita ri tucushcata, caita chaita rinami chayamucun. Chaica ñami chayamun. Chashna rurajpipish mana ñucallachu cani, Yayaca ñucahuanmari.

Juan 4:21

Chaimi Jesusca cashna nirca: –Huarmi, mana cai urcullapi, mana Jerusalenllapi Yaya Diosta adorana punlla shamucujta criyari.

Juan 5:25

Taita Diospaj Churi rimashcata huañushcacuna uyana chayamunmi. Chaica cunanmari. Paita uyajcunaca causangacunami. Chaica chashnatajmi.

Juan 5:28

Chashna nishcamanta ama mancharichijchu. Tucui pambashcacuna Runa Aichayuj rimashcata uyana chayamucunmi.

Romanos 1:9

Paipaj Churipaj alli huillaita huillashpa, tucui ñuca yuyaihuan servicushca Taita Diosmi mana shaicushpa, cancunamanta paita ñuca mañacushcataca yachan.

Romanos 8:15

Chaimanta manchaihuan cachunllataj huatashcata charij espiritutaca mana chasquircanguichijchu. Ashtahuanpish quiquin huahuata shina ruraj Espiritutamari chasquircanguichij. Paimantami: “¡Ñuca Yayitu!” nishpa caparicunchij.

Romanos 8:26

Chashnallatajmi mana rurai tucushcapica, Espirituca ñucanchijtaca ayudacun. Ñucanchijca, Dios munashca shina, imata mañanataca mana yachanchijchu. Ashtahuanpish Espiritullatajmi ñucanchijmantaca, mana rimai tucushca shimicunahuan aij nishpa mañaracun.

Gálatas 4:6

Chaimantami paipaj huahuacuna canguichij. Diosca cancunapaj shungucunamanca paipaj Churipaj Espiritutami cacharca. Paimi: “¡Ñuca Yayitu!” nishpa caparicun.

Efesios 6:18

Chaipajca, punllanta Diosta mañaichij. Espíritu yuyachishca shina tucuimanta mañashpa rogaichij. Chai yuyai chaparaichij. Jucha illajcunamantapish tucuicunamanta mañaichij.

Filipenses 3:3

Ñucanchijmi circuncisionta rurashcacuna, Espiritupi Diospajta rurajcuna canchij. Aichata p'itichishcapica mana shunguta churashpami, Cristo Jesuspi jatunyarinchij.

JOSUÉ 24:14

Chashna cashcamanta cunanca Mandaj Diosta manchashpa mana nij tucushpalla tucui shunguhuan paipajta ruraichij. Cancunapaj ñaupa yayacuna Éufrates yacu uripi cashpa shujta dioscunapajta rurashcatapish, Egiptopi cashpa shujta dioscunapajta rurashcatapish cancunapaj chaupimanta anchuchishpa, Mandaj Diospajllata ruranguichij.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

1 SAMUEL 12:24

Mandaj Diosllata manchaichij. Cancunapajca paica jatun mancharinacunata rurashcamantaca tucui shunguhuan mana nij tucushpalla paipajllata ruraichij.