Juan 4:22 - Dios Rimashca Shimicunami

²² Cancunaca pita adoracushcatapish mana yachanguichijchu. Ñucanchijca pita adoracushcataca yachanchijmi. Quishpichijca judiocunamantami shamun.

Mushuj Testamento Diospaj Shimi

²² Cancunaca, pita adoracushcata manapish yachanguichijchu. Ñucanchijca pita adoracushcata rijsinchijmari. Quishpirinaca judiocunapuramantamari shamun.

Juan 4:22 Iomraidhean Croise

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

ESDRAS 4:2

Zorobabelpajman, ñaupa yayacunamanta mirarishca quiquinpurallata mandajcunapajman shamushpaca: –Cai huasitaca, ñucanchijhuan tandalla shayachishunchij. Ñucanchijpish cancunapaj Diosllatatajmi yuyarinchij. Asiria llajtata jatun mandaj Esar-hadón caipi churashca pachamantami cancunapaj Diosman sacrificiota cucunchij– nircacunami.

SALMOS 147:19

Jacobmanca paimi paipaj shimicunata ricuchirca. Israelcunamanpish paimi chaitataj pajtachichun nishcacunata, mandashcacunata curca.

SALMOS 68:20

Dios, ñucanchij Dioslla, paimi quishpichinga. Huañuimanta quishpichinapish Mandaj Jatun Diospajmi.

ISAÍAS 12:2

Taita Diosmi ñucata Quishpichij. Paillapimi shunguta churani, pita mana manchanichu. Paica ñucapaj muyundij pirca shinami. Ñuca cantanaca Mandaj Diosmari. Paimari ñucata quishpichijca cashca” ninguimi.

ISAÍAS 12:6

Siónpi causajcuna, cushicuichigari, cantaichigari. Israelcunapaj jucha illaj Diosca cambaj chaupipica jatunmari” ninguichijmi.

ISAÍAS 2:3

Achca llajtacuna shamushpami cashna ningacuna: “Shamuichij, Mandaj Diospaj urcuman huichiyashunchij. Jacobpaj Diospaj huasiman jacuchij. Paimi paipaj ñancunapi purinata yachachinga. Paipaj ñancunallapimi purishun. Mandaj Diospaj Mandashcaca Sionmantami llujshinga. Mandaj Diospaj shimica Jerusalenmantami llujshinga”.

ISAÍAS 46:13

Cashcata rurashpa ñuca quishpichinaca ñami c'uchuyamugrin. Ñuca quishpichinaca mana uniyangachu. Sionpimi quishpirinataca churagrini. Ñuca jatun cashcataca Israelpimi churagrini.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Lucas 24:47

Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Hechos 17:23

Cancunapaj pueblota puricushpaca cancunapaj dioscunata adorana altarcunatami ricurcani. Chai dioscunapaj pircashca altarcunapaj shuj altarpica: “Mana rijsishca Diospaj” nishpa quillcashcatami ricurcani. Chaitaca mana rijsishpapish adoracunguichijmi. Ñucapish chai Taita Diosmantami cancunamanca huillacuni.

Hechos 17:30

Ñaupa causajcunaca Taita Diosta mana rijsishcamanta paicunapaj munaita rurashpa causajpipish Taita Diosca paicunataca mana llaquichircachu. Cunanca tucuicunallataj maipi causajcuna cashpapish juchayuj cashcamanta llaquirishpa paiman cutirichunmi mandan.

Hechos 3:26

Taita Diosca paipaj Churita causachishpaca, cancunaman allicunata cuchunmi cancunapajmanraj cacharca. Cancunataca cada quiquinta millaita ruracushcata saquichingapajmi chashna cacharca” nircami.

Romanos 11:18

Alli olivos ramacunata p'iñashpa ama jatun tucungui. Jatun tucucushpaca yuyaringui. Mana canchu sapitaca charicungui, ashtahuanpish sapimi cantaca charicun.

Hebreos 7:14

Ñucanchijta Mandaj Jesusca, Judá aillumanta shamushcataca tucuicunami yachanchij. Moisespish Judá aillumanta cura tucunataca imata mana nircachu.