Juan 4:18 - Dios Rimashca Shimicunami

¹⁸ Canca pichca cusatami charishcangui. Cunan canhuan causacujpish, mana cambaj cusachu. Caitaca mana llullashpami nishcangui– nircami.

Mushuj Testamento Diospaj Shimi

¹⁸ Canca, pichca cusatamari charishcangui. Cunan canhuan causacujpish, manatajmari cambaj cusachu. Chaimanta, ‘Mana cusayuj canica’ nishpaca, mana llullanguichu— nircami.

Juan 4:18 Iomraidhean Croise

GÉNESIS 20:3

Ashtahuanpish Taita Diosca chai tutallataj muscuipi ricurishpami Abimelectaca: “Cazarashca cusayuj huarmita cambaj huarmi cachun japishcamanta, cunanca huañugringuimi” nirca.

GÉNESIS 34:2

Paitaca chai llajtata mandaj heveo Hamorpaj churi Siquem moso ricushpami mana nicujllatataj pushashpa paihuan dormishpa pingaichirca.

GÉNESIS 34:31

Chaimi paicunaca: –Ñucanchij panitaca ¿maitataj huainayashcahuan causaj huarmita shinaca rurana carcari?– nircacuna.

JEREMÍAS 3:20

Ashtahuanpish can israelcunaca shuj mana c'uyaj huarmi paipaj cusata shitaj shinamari ñucataca mana cazushpa shitarcanguichij. Mandaj Diostajmi chashna nini.

EZEQUIEL 16:32

Ashtahuanpish cusayuj huarmi huainayaj shinamari cusapaj randica, shujtajcunataraj chasquingui.

EZEQUIEL 16:35

Chashna cashcamanta huainayashpalla causaj huarmi, ñuca Mandaj Dios ima nishcata uyai.

NÚMEROS 5:29

Maijan huarmipish mana paipaj cusapajlla tucushpa shujtaj c'arihuan mapayashcamanta cusa juchachijpi imallata ruranata mandashcaca chaicunami.

Marcos 10:12

Huarmipish cusata shitashpa shujtajhuan cazarashpaca huainayanmi– nircami.

Juan 4:16

Chaimi Jesusca: –Ri, cambaj cusata cayamugri– nijpi,

Juan 4:17

chai huarmica: –Mana cusayuj canica– nirca. Chaimi Jesusca: –“Mana cusayuj canica” nishpaca, mana llullanguichu.

Juan 4:19

Chaimi chai huarmica: –Amito, canca Taita Dios huillachishcata huillajmi yuyachingui.

Romanos 7:3

Cusa causacujpiraj shujtaj c'arihuan cazarajca, huainayajmi nishcami canga. Ashtahuanpish paipaj cusa huañujpica, chai mandashcamantaca cacharirishcami. Chaipica shujtaj c'arihuan cazarashpapish, mana huainayajchu canga.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

RUT 4:10

Mahlonpaj huarmi cashca Moabmanta caj Ruttapish ñuca huarmi cachunmi japini. Chai huarmipi huahuacunata charijpimi, Mahlón imallata japina cashcataca paicuna japijpi, paipaj familiapurapipish cai pueblo pungupi cajcunapajpipish paipaj shutica mana anchuchishca canga. Cunanca tucui caicunataca cancunami uyajcuna ricujcuna canguichij– nircami.