Juan 4:15 - Dios Rimashca Shimicunami

¹⁵ chai huarmica: –Amito, ama cutin yacunachingapaj, caipi huishinaman ama shamungapaj, chai yacuta ñucaman cuhuai– nirca.

Mushuj Testamento Diospaj Shimi

¹⁵ Chashna nijpimi, huarmica: —Apu, ama cutin yacunachingapaj, huishinaman ama cutin shamucungapajlla, chai yacuta ñucaman cuhuai— nirca.

Juan 4:15 Iomraidhean Croise

SALMOS 4:6

Achcacunamari: “¿Pitaj allicunata rurashpa ricuchingari?” nincuna. Mandaj Dioslla, cambaj achijyachij ñahuita ñucanchijman ricuchihuayari.

Juan 4:16

Chaimi Jesusca: –Ri, cambaj cusata cayamugri– nijpi,

Juan 6:26

Jesusca: –Pi mana rurai tucuipajta ñuca rurajta ricushcamantaca, mana mashcanguichijchu. Ashtahuanpish tandata mana nijta micushcallamantami mashcacunguichij. Chaica chashnatajmi.

Juan 6:34

–Mandaj Jesús, chai tandata punllanta ñucanchijman carai– nircacuna.

Juan 6:35

Chaimi Jesusca: –Causaita cuj tandaca ñucami cani. Pipish ñucapajman shamushpa crijca manataj yaricachingachu, manataj yacunachingachu.

Romanos 6:23

Juchaca huañuitami cun. Ashtahuanpish Taita Dios c'uyashpalla cushcaca, ñucanchij Mandaj Cristo Jesuspi huiñai causaimi.

Romanos 8:5

Aichallamanta cajcunaca, aichapaj cajcunallatami yuyancuna. Ashtahuanpish Espiritumanta cajcunaca, Espiritupaj cajcunallatami yuyancuna.

1 Corintios 2:14

Ashtahuanpish aichallamanta huacharishca cajca, Diospaj Espiritupajtaca mana yachasha ninchu. Chaicunaca paipajca musparishca shina cajpimi, mana entendi tucun. Espíritu yuyachijllapimi agllai tucun.

Santiago 4:3

Mañashpapish mana chasquinguichijchu. Cancuna munashcapi cushicushpa tucuchingapajlla mana alli yuyaihuan mañashcamantami mana chasquinguichij.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.