Juan 4:14 - Dios Rimashca Shimicunami

¹⁴ Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Mushuj Testamento Diospaj Shimi

¹⁴ Ashtahuanpish ñuca cushca yacuta ubyashpaca, manataj yacunachingachu. Ñuca cushca yacuca, paipaj shungupica huiñai causaita cungapaj llujshicungallami— nircami.

Juan 4:14 Iomraidhean Croise

ISAÍAS 49:10

Chaipica yaricaipish, yacunaipish mana japingachu. Intipish mana t'itashpa llaquichingachu. Paicunata llaquij Diosmari tucuimanta huaquichinga. Pajchacuj yacucunamanmi pushanga.

ISAÍAS 55:1

¡Yacunaihuan cajcuna tucuicuna shamuichij. Yacuman shamuichij! Cullquita mana charishpapish shamuichijlla. Cullqui illajlla randishpa micuichijlla. Shamuichijlla, cullqui illajlla imata mana cushpa vinota, lecheta randichijlla.

ISAÍAS 58:11

Mandaj Diosmi cantaca huiñaita michinga. Chaquishca pambacunapipish cambaj alma cushicujtami caranga. Cambaj tullucunatapish sinchiyachingami. Canca larca yacucunayuj huerta shinami cangui. Mana tucurij yacucuna shina pajchacuj yacu shinami cangui.

JEREMÍAS 2:13

Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

JEREMÍAS 31:25

Shaicushcacunamanca tucui ima illashcatami cusha. Yaricaihuan urmacujcunamanca huijsa pajtajtami carasha” nircami.

EZEQUIEL 47:9

Cai ishqui yacucuna yaicucunpi tucui causaita charijcuna huambushpaca, causangatajmi. Cai yacucuna jatun cuchaman yaicushcamantami, chalhuacunapish yallitaj miraringa. Chai mishqui yacutami ubyangacuna. Cai jatun yacucunaman yaicujcunaca tucuicunami causanga.

LEVÍTICO 11:36

Shina cajpipish allpamanta llujshicuj yacupi cashpapish, pugyu yacupi cashpapish urmajllapimi mana mapa canga. Ashtahuanpish chai huañushca animalpi imapish tuparijcunaca mapami canga.

Mateo 25:46

Chashnacunaca, huiñaipaj llaquimanmi ringacuna. Shinallataj cashcata rurajcunaca, huiñai causaimanmi ringacuna– nircami.

Mateo 5:6

Cashcata ruraj canata yaricaihuan, yacunaihuan shina mashcajcunaca cushichishcami. Paicunaca mana nijtami micungacuna.

Juan 10:10

Shuhuaca, shuhuangapaj, huañuchingapaj, tucuchingapajllami shamun. Ñucaca causaita charichun, yallitaj charichunmi shamurcani.

Juan 11:26

Maijan causacujcunapish ñucata crijca, huiñaita manataj huañungachu. ¿Chaitaca cringuichu?– nircami.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:11

chai huarmica: –Amito, imahuan huishinatapish mana charinguica, pugyupish ucujtamari. ¿Maimantataj causaita cuj yacutaca cunguiyari?

Juan 4:13

Chaimi Jesusca: –Maijanpish cai yacuta ubyajca, cutin yacunachingallami.

Juan 4:36

C'uchujpish c'uchushcamanta pagota japinmi. Chai c'uchushcaca huiñai causaipajmi. Chashna cajpimi c'uchujpish, tarpujpish ishquindijtaj cushicunga.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Juan 6:35

Chaimi Jesusca: –Causaita cuj tandaca ñucami cani. Pipish ñucapajman shamushpa crijca manataj yaricachingachu, manataj yacunachingachu.

Juan 6:58

Cai tandaca jahua pachamanta shamushcami. Cancunapaj ñaupa yayacuna micushca maná shuti tanda shinallaca mana canchu. Paicunaca chaita micushpapish huañurcallacunami. Cai tandata micujca, huiñaitami causanga– nircami.

Juan 7:37

Fiesta tucuri jatun punllapimi, Jesusca shayarishpa sinchita cashna nirca: –Maijanpish yacunaihuan cashpaca ñucapajman shamushpa ubyaichij.

Romanos 5:21

Ima shinami juchaca huañuiman apangapaj mandacurca, chai shinallatajmi ñucanchij Mandaj Jesucristomantaca, mana c'uyaipajta c'uyaipish justificashcacunataca huiñai causaita cushpa huiñaipaj mandanga.

Romanos 6:23

Juchaca huañuitami cun. Ashtahuanpish Taita Dios c'uyashpalla cushcaca, ñucanchij Mandaj Cristo Jesuspi huiñai causaimi.

2 Corintios 1:22

paipajta rurashpa sellarca. Japina cashcata ricuchij cachunmi, ñucanchij shungupi paipaj Espirituta churarca.

Efesios 4:30

Diospaj jucha illaj Espirituta ama llaquichichijchu. Tucui imamantapish quishpichishpa pushana punllacama paihuan sellashcacunami canguichij.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.

Apocalipsis 7:16

“Paicunaca ña mana yaricachingachu, ña mana yacunachingachu. Intipish paicunataca mana rupachingachu, t'itaipish mana tiyangachu.

Apocalipsis 7:17

Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.